Kjo është pasuria e Menduh Thaçit (Dokument)

Telegrafi Maqedoni ka filluar të publikojë pasurinë e zyrtarëve të zgjedhur nga qytetarët shqiptarë në Maqedoni.

Këto tema do të jenë si pjesë e serisë me të cilën Telegrafi Maqedoni do publikojë në mënyrë transparente pasurinë e zyrtarëve të cilët vetë i kanë paraqitur pasuritë e tyre në Komisionin për Pengimin e Korrupsionit.

Si zyrtarë i dytë të cilit Telegrafi Maqedoni do t’ia publikojë pasurinë është kryetari i Partisë Demokratike Shqiptare, Menduh Thaçi i cili pasurinë e tijë e ka paraqitur në këtë komision.

Zyrtarisht, Menduh Thaçi ka pasuri prej 33.155.796 denarë apo në kundërvlerë me euro: 537.816 euro.

Kryetari i PDSH këtë pasuri e ka të ndara në disa elemente, duke numëruar këtu, shtëpitë, veturat dhe kartelat e kursimit. Vlen të theksohet se në vitin 2012, Thaçi ka marrë një kredi prej 4.612.500 denarë që në euro kap vlerën: 75.000 euro. Këtë kredit i pari i PDSH-së duhet ta kthejë deri në vitin 2022.

Më poshtë ju sjellim edhe detajisht pasurinë e kryetarit të Partisë Demokratike Shqiptare, Menduh Thaçi:
-Shtëpi me kopsht me gjithësejt 1.186 metër katrorë. Këtë shtëpi Thaçi e ka në Tetovë dhe kap vlerën e 13.000.000 denarë apo në kundërvlerë me euro: 211.382 euro. Këtë pasuri, Thaçi e ka trashëguar nga prindërit.

-Shtëpi me kopsht dhe me objekt afarist me gjithësejt 455 metër katrorë. Edhe këtë shtëpi Thaçi e ka në Tetovë dhe kap vlerën e 4.575.000 denarë apo në kundërvlerë me euro: 74.390 euro. Këtë shtëpi Thaçi e ka blerë.

-Veturë BMW e vitit 1996 që kap vlerën e 3.075.000 denarë apo në kundërvlerë me euro: 50.000 euro. Këtë veturë Thaçi e ka blerë.

-Veturë Peugeot e vitit 2005 që kap vlerën 430.000 denarë apo në kundërvlerë me euro: 7.000 euro. Këtë veturë Thaçi e ka blerë.

-Ka dhënë borxh prej 22.300 euro apo në kundërvlerë me denarë: 1.371.450 denarë. Për paratë e borxhit, Thaçi nuk e ka deklaruar prejardhjen.

-Ka kartelë kursimi në ”Stopanska Banka” prej 1.463.198 denarë apo në kundërvlerë me euro: 23.791 euro.

-Ka kartelë kursimi në ”Stopanska Banka” prej 98.984 euro apo në kundërvlerë me denarë: 6.087.516 denarë.

-Ka kartelë kursimi prej 3.134.416 denarë apo në kundërvlerë me euro: 50.966 euro.

-Kryetari i PDSH-së ka edhe një kredit që duhet ta kthejë deri në vitin 2022 i cili është ngritur në vitin 2012. Vlera e kreditit të huazuar nga Thaçi është 4.612.500 denarë apo me euro: 75.000 euro.

Telegrafi Maqedoni ka kontaktuar edhe Luan Tresin, zëdhënësin e PDSH-së për t’u deklaruar për pasurinë e kryetarit të partisë së tij. Për 24 orë nuk kemi përgjigje.

Telegrafi Maqedoni do të vazhdojë me publikimin e pasurive të zyrtarëve nga të gjithë partitë. I ardhshëm është kryetari i Komunës së Strugës dhe kryetari i LR-PDSH-së, Ziadin Sela./Telegrafi/

Lexo po ashtu Kjo është pasuria e Ali Ahmetit (Dokument)