Gjykata e Arbitrazhit me seli në Hagë është mundësia e fundit legale për zgjidhjen e çështjes së demarkacionit ndërmjet Kosovës dhe Malit të Zi.
Kështu vlerësoi profesori i së Drejtës Ndërkombëtare, Vigan Qorrolli, në një intervistë për Radio Kosovën, ku insiston se ky mekanizëm mund të përcaktojë nëse ka qenë e saktë metodologjia që është përdorur në këtë proces.
Qorrolli nuk pret shumë nga tryeza e 3 gushtit, por thotë se konkluzat që dalin nga ajo tryezë duhet të merren seriozisht.
Ai thotë se Arbitrazhi mund të jetë mundësia e fundit legale për ta përcaktuar metodologjinë e përcaktimit të kufirit, meqenëse kontestimi i thellë bëhet për shkak të metodologjisë së gabuar, sepse është bërë vetëm demarkimi dhe jo delimitimi i kufirit.
“Arbitrazhi do të jetë një mundësi e mirë legale për të parë se cila ka qenë saktësisht metodologjia dhe për të parë përfundimisht nëse është humbur ndonjë metër katror i territorit të Kosovës, sepse ka kontestim edhe nga pala malazeze se edhe ata kanë humbur dhe përcaktimi i kufirit të bëhet mbi rregullat më të mira të së drejtës ndërkombëtare”, tha Qorrolli.
Sipas Qorrollit, në këtë proces, nuk janë ndjekur rregullat më të mira ndërkombëtare, sepse metodologjia, sipas tij, është bërë jo e duhura, duke u përdorur vetëm kadastra si element. Prandaj, Qorrolli thotë se duhet pasur kujdes kur bëhet fjalë për zbatimin e këtyre rregullave, ngase Kosova do të ketë në të ardhmen proces të demarkimit edhe me Serbinë.
”Qeveria e Kosovës dhe çdo institucion tjetër i Kosovës duhet të jetë shumë vigjilent për të parë se rregullat më të mira ndërkombëtare duhet të plotësohen, ose të përmbushen”, tha Qorrolli.
Profesori i së Drejtës Ndërkombëtare nuk pret që tryeza e 3 gushtit të prodhojë ndonjë efekt të madh politik, duke pasur parasysh që karakteri i saj nuk është obligues.
“Tryeza duhet të prodhojë një situatë ku të ketë qartësi mbi të gjitha për opinionin, por edhe për çdo akterë të përfshirë në të. Nuk dua që nga tryeza të dalin të dyja palët me argumente të kundërta, sepse ajo duhet, pavarësisht jo obligueshmërisë, t’i prodhojë disa konkuza të cilat duhet t’i dorëzohen kryetarit, Kryesisë dhe grupeve parlamentare të Kuvendit dhe ato të merren shumë seriozisht”, tha Qorrolli.
Ai tha se duhet të gjendet zgjidhje për demarkacionin me Malin e Zi, para se marrëveshja të shkojë për ratifikim, ngase pas ratifikimit, është shumë e vështirë të ri-negociohen çështjet kontestuese të kufirit.
Prandaj, ai thotë se deputetët duhet të jenë të kujdesshëm dhe të jenë të sigurt se për çka po votojnë, jo të votojnë në bazë të inercionit politik, por mbi bazë të inercionit shtetëror dhe patriotik.
Lufta Prigozhin - Putin
Më shumëRegjistrimi i diasporës: Çfarë përfiton Kosova?
Ekipet e reja për mbledhjen e mbeturinave, Rama njofton se janë sulmuar fizikisht punëtorët në lagjen Dardania
Meloni reagon ndaj emisionit investigativ të Rai3: Linçoi Ramën se mbrojti Italinë
"Daily Mail" shkruan për kosovarin me nënshtetësi angleze që po mbahet në një burg ferri në Serbi
Kryetari i Istogut deklaron mbi 3 mijë euro kursime në bankë, e bashkëshortja e tij vetëm 30
Italiania e dashuruar me Sarandën: Sa erdha thashë do të jetoj këtu, tani kam biznes
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Grushte të fuqishme dhe hedhje në tokë, turko-gjermani Cinkara e fiton luftën ndaj boksierit kosovar Armend Xhoxhaj
Xhensila Myrtezaj rrëzohet në skenë, në nisje të performancës: Uroj të mos e keni kapur këtë
Njësiti special serb “Kobra” dyshohet të jetë pjesë e trajnimeve të grupeve terroriste pranë kufirit me Kosovën
Ish-legjenda e Liverpoolit tregon ‘arsyen e vetme’ që çoi tek përplasja e Salahut me Kloppin
NASA dhe Nokia po dërgojnë rrjetin 4G në hapësirë - çfarë do të thotë kjo për njerëzimin?
Pamje të reja nga përplasja e Salahut me Kloppin tregojnë saktësisht se çfarë ka ndodhur