Merkel në presion për shkak të sulmeve

Sulmet hapin shumë pyetje, jo vetëm për sigurinë në Gjermani por edhe për raportin e vendit ndaj refugjatëve.

Berlini zyrtar hapi dyert për më shumë se 1 milion refugjatë edhe krahas kritikave në opinion dhe rritjen e ekstremizmit djathtist.

Kancelaria Angela Merkel tanimë e kishte patjetër të shpjegojë se politika e qeverisë së saj ndaj refugjatëve nuk është shkak për terrorizmin në rritje dhe porositi se refugjatët nuk duhet të barazohen me terroristët, por pa marrë parasysh këtë, presioni ndaj Merkel sa shkon vetëm rritet.

Nëpër mediat tanimë haptazi shtrohet dilema: Çfarë do të ndodhë nëse ka sulm më të madh terrorist me pasoja më fatale se këto të fundit?

Tre nga katër sulmet vdekjeprurëse javën e kaluar janë realizuar nga refugjatët që kanë kërkuar azil në Gjermani. Në vend të kulturës së mirëseardhjes që u promovua vitin e kaluar, tani po përgatitet kulturë e largimit, edhe atë drejtpërdrejtë nga partia konservatore në pushtet.

Politikanët tanimë debatojnë masat më rigoroze për kontrollin e refugjatëve dhe përcjelljen e tyre sa më të shpejtë, ndërsa opozita kritikoi kancelaren Merkel se problemit me integrimin e qindra mijë refugjatëve i është qasur në mënyrë shumë të butë.

Në shtyp paralajmërohet se tani nuk është koha për aksionizëm, por për gjykim me mendje të shëndoshë me qëllim të mbrojtjes së demokracisë.