Rritja ekonomike prej 3.7 deri në 4 përqindësh, e parashikuar nga Banka Qendrore e Kosovës (BQK) për vitin 2016, është parë me skepticizëm nga njohës të çështjeve ekonomike madje, sipas tyre, një rritje e tillë s’mund të ndodhë, pasi projekti më i madh i investimeve në vlerë mbi 400 milionë euro për Brezovicën ka dështuar.
Sipas raportit të BQK-së për vitin 2016, parashihet rritje ekonomike prej 3.7 deri në 4 përqindësh. Kurse guvernatori i BQK-së, Bedri Hamza, në raportimin e tij para anëtarëve të Komisionit për Buxhet dhe Financa, ka thënë se, sipas BQK-së, për vitin 2016, parashihet një rritje ekonomike prej 3.7 deri në 4 për qind.
Drejtori i Qendrës për Hulumtime Strategjike e Sociale (STRAS), Ibrahim Rexhepi, ka thënë për gazetën “Epoka e Re” se, meqenëse parashikimi i BQK-së për rritje ekonomike nuk është i bazuar në faktorë të brendshëm, pra s’është i varur nga Qeveria atëherë, sipas tij, ky parashikim lë të nënkuptohet se është optimist.
“Konsumi është i lidhur me remitancat dhe varësisht prej dërgesave do të rritet edhe konsumi, meqenëse sivjet nuk parashihet se do të ketë rritje të pagave, apo që do të ketë ndonjë intervenim në aspektet social, që do të mund të ndikonte në rritjen e konsumit, përkatësisht në rritjen ekonomike. Andaj, ky parashikim është optimist kur kemi parasysh gjendjen e përgjithshme në treg, pasi ky parashikim nuk është i bazuar në faktorët e brendshëm dhe s’ka ndikim nga Qeveria”, tha Rexhepi.
Njohësi i çështjeve ekonomike, Burim Piraj, ka shfaqur skepticizëm se mund të arrihet rritja ekonomike e planifikuar nga BQK-ja pasi, sipas tij, s’mund të konsiderohet rritje ekonomike nëse kemi rritje të hyrave buxhetore.
Ai ka shtuar se, bazuar në disa raporte, në tremujorin e fundit nga Kosova dhe Shqipëria ka pasur regjistrim të rreth 40 mijë azilkërkuesve në shtete evropiane prandaj, sipas tij, Kosova po i humbet konsumatorët. “Kosova po e humbet konsumatorin. Një vend që e humbet konsumatorin nuk mund të krijojë rritje ekonomike. Brengë për mua është se reforma e politikave ekonomike ka ngecur. Kosova s’ka reforma reale të politikave ekonomike, të cilat do ta nxisnin zhvillimin e veprimtarisë vendore, që do të ndikonte edhe në tërheqjen e investimeve të huaja ndërkombëtare”, është shprehur Piraj.
Njohësi i çështjeve të biznesit, Lulzim Syla, ka thënë se, bazuar në rrethanat aktuale të proceseve ekonomike, mbetet shumë për t’u dëshiruar se mund të arrihet rritja ekonomike e paraparë nga BQK-ja prej 3.7 deri 4%. “Pa dashur të jemi pesimistë, trendi i dështimeve të projekteve strategjike, siç është rasti më i freskët i projektit Brezovica, pastaj me shumë rrezik mbetet edhe implementimi i ‘Kosovës së Re’ për arsye të mungesës së gjetjes së fondeve investive, por edhe mungesës së një strategjie afatgjatë se si t’u qasemi kompanive të jashtme për investime, lënë shumë për të dëshiruar se mund ta kapim atë rritje që është parashikuar nga BQK-ja e që është shumë ulët për një zhvillim të mirëfilltë ekonomik”, ka thënë Syla. /Epoka e Re/Telegrafi/
Lufta Prigozhin - Putin
Më shumëPër maraklitë e kuzhinave, BAU Market sjell kuzhinat PËR MARAK
Kqyr me sy se o’ për ty - “Holiday In 2”
Azemi: Punëtorët teknikë në QKUK nga ky muaj me paga të rritura për 100 euro
Me kë e ‘lyn dhe e ngjyn’ në udhëtime?
6 miliardë euro me Planin e rritjes për Ballkanin Perëndimor, Danijela Gaceviq tregon rolin e CEFTA-s në këtë proces
Ftesë për ofertë për shërbimet e mirëmbajtjes në rrjetin e IPKO
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Krijo hapësirën tënde të biznesit – zyre me qira te 4 Llulat – 300€/muaj ID-252
Ofertë e veçantë – vila në Brezovicë ofrohet me zbritje ID-246
Një jetë e re fillon këtu – banesa e gatshme 2+1 në rrugën ‘Gazmend Zajmi’ ID-251
Pse çdo prind duhet të zgjedhë këpucët apo atletet Reebok në Melodia Px për fëmijët e tyre?!
Eksploro natyrën dhe ngjit majat me çizmet e duhura
Formësoje trupin me peshën Martes
Rehatohu n’plazh mirë dhe lirë
Për çfarë vibes je – Summer Vibes apo Good Vibes?
Më të lexuarat
OKB-ja paralajmëroi pasoja të rënda dhe të pakthyeshme: Le të parandalojmë "ferrin e klimës"
Rusët nuk kanë zgjidhje për armët e lira dhe vdekjeprurëse të Ukrainës - publikohen pamjet brutale nga fushëbetejat
Modi pretendonte se ishte i dërguar i Zotit - çfarë do të thotë fitorja e zbehtë e tij për Indinë dhe botën
Erling Haaland ka komentuar tre golat e shënuar ndaj Kosovës
Cilat janë dënimet për kryesit e veprës penale "Spiunazh", sipas Kodit Penal të Kosovës?
“Mishtoret mashtrojnë kështu”, kasapi argjentinasi tregon se si manipulohet në peshore