Deputetët e Kuvendit të Kosovës i kanë dhënë sot “dritën e gjelbër” vazhdimit edhe për dy vite të mandatit të EULEX-it në Kosovë.
Përkundër debateve të ashpra në Kuvend, 86 deputetë i thanë po vendimit të Qeverisë që ky mision të veprojë në Kosovë.
Mirëpo, ish-prokurorja e EULEX-it, Maria Bamieh, ka paralajmëruar që të kihet kujdes nga EULEX-i.
“E nderuar Kosovë. Kini kujdes nga çdo marrëveshje me EULEX-in! Ata nuk janë organ juridik. Ligjshmëria e marrëveshjeve të tilla është shumë diskutabile!”, ka qenë mesazhi i saj.
Lidhur me këtë, avokati Arianit Koci ka thënë për Telegrafin se zvarritja e vazhdimit te mandatit te EULEX-it po i kushton shumë Kosovës.
Ai ka theksuar se misioni i EULEX-it ka qenë i dobishëm për neve dhe ka ndërtuar një sistem efikas gjyqësor, prandaj mandati duhet te vazhdohet edhe për dy vite.
“Në këtë periudhë kohore duhet që ne, vendorët, te gjitha rastet e profilit të larte t’i marrin në duart tona. Bërllokun tonë, nëse ka, duhet ta pastrojmë vet. Mos të harrojmë se kjo ndihmë që po na bëhet nga ana e Bashkimit Evropian, paguhet prej taksapaguesve të tyre. Kjo është rast unik që t’i marrim përvojat më të mira evropiane. Prandaj, ne duhet te jemi falënderues për këtë. Sidomos për faktin që ende kemi nevojë për përafrimin e ligjeve dhe sistemit gjyqësor, me atë të BE-së”, ka thënë Koci.
Avokati më tej ka shtuar se ka qenë kritik për disa individë në kuadër të EULEX-it që nuk kanë qenë në nivel të detyrës, duke bërë të ditur se këta ia kanë zbehur imazhin këtij misioni.
“Ne çdo vendim të gabuar, kam ushtruar ankese. Besoj në drejtësi dhe mendoj që ankesat e mija do të aprovohen. Problemi i jonë, jemi vet ne. Duhet sa më shumë të punojmë në ngritjen e kapaciteteve gjyqësore. Sidoqoftë, me shumë kemi ne nevojë për Evropën se sa Evropa për neve. Rruga e jonë drejtë integrimeve euro-atlantike, nuk ka alternativë”, ka thënë Koci.
I pyetur rreth spekulimeve të fundit që vazhdimi i mandatit të EULEX-it ka lidhje me Gjykatën Speciale, Koci ka thënë se kjo nuk është e vërtetë. Ai madje ka thënë se EULEX-i nuk ka të bëjë fare me Gjykatën Speciale.
“Mandati i EULEX-it dhe Gjykatës Speciale janë të përcaktuara me ligje përkatëse. Ligji për Gjykatën Speciale saktëson se kjo gjykatë e ka Policinë, Prokurorinë dhe gjykatësit e vet. Madje, sipas nevojës, edhe Policia e Kosovës ka obligim ligjor që ta asistojë këtë strukturë”, u shpreh Koci, duke theksuar se këtë konkluzion mund ta nxjerrim duke i lexuar ligjet përkatëse.
Në anën tjetër, deputeti nga radhët e Vetëvendosjes, Rexhep Selimi, ka thënë se Qeveria e Kosovës po bën sikur po e vazhdon e mandatin e EULEX-it e “në fakt EULEX-i po vazhdon të qëndrojë mbi mungesën e drejtësisë që e ka krijuar pushteti i padrejtë në Kosovë”.
“Në këto kushte, Qeveria e Kosovës, krejt e papërgjegjshme, po vazhdon me u sjellë përballë sovranitetit juridik në Kosovë. Kosova po i mban dy barrë të rënda: mungesën e drejtësisë në Kosovë dhe padrejtësinë që vjen në emër të drejtësisë ndërkombëtare. EULEX-i e ka gjetur një justifikim për të vazhduar misionin në Kosovë, e ai është mos funksionimi i sistemit të drejtësisë në Kosovë”, ka thënë Selimi për Telegrafin.
Ai ka shtuar se vazhdimi i misionit të EULEX-it në Kosovë nuk është e keqja e vetme që qeveria ia ka sjell këtij vendi. /Telegrafi/
Promo
Reklamo këtuLufta Prigozhin - Putin
Më shumëNga Rubrika
Humb kontrollin e mjetit dhe bie në Lumin Lana, vdes shoferi
“Jam Taulant Balla. Më duhen urgjent 100 mijë euro”, biznesmeni në Shqipëri bie pre e mashtrimit
Buleshkaj: Vitin e kaluar jemi njoftuar për një politikan që i ka pasë 5 milionë euro në një bankë në Zvicer
Buleshkaj: Vitin e kaluar jemi njoftuar për një politikan që i ka pasë 5 milionë euro në një bankë në Zvicer
“E çela vrimën në mur, i preva tre palë tela dhe ika arave deri në Lipjan”- Arratisja e Faton Hajrizit nga Bondsteel-i dhe Burgu i Pejës
Server: Qeveria e re e Serbisë me bashkëpunëtorë të sulmit terrorist të Banjskës
Knaus "godet" sërish: Kushtëzimi i anëtarësimit të Kosovës në KiE me krijimin e Asociacionit pamundëson realizimin e të dyjave
Fruti i pasionit mbillet në Shkodër - Familja Ndoja nga 1 dynym, sot mbjell 15 hektarë
Konjufca i zhgënjyer me BE-në: Me padurim doni të punoni me qeverinë serbe pro-ruse, e neve nuk na hiqni masat
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
"E pabesueshme, qesharake, absurde...", reagimet ndaj deklaratës së Borrellit, se mezi pret të punojë me qeverinë e re të Serbisë
Nuk pajtohet me Ancelottin, mbrojtësi i Real Madridit ka gjetur destinacionin e ri
Erdogan foli pas ndërprerjes së marrëdhënieve tregtare mes Turqisë dhe Izraelit
U përfol se u ndanë për të shpëtuar pasurinë, Bes Kallaku jep përgjigjjen përfundimtare
Çfarë pyetje u bëhen qytetarëve në diasporë për regjistrim?
Po shkëlqen te Borussia Dortmund, por është lojtar i Chelseat – Guardiola e do me çdo kusht te Man City