A do të ketë rebalans të buxhetit në Maqedoni?

Deri në shtator, qeveria patjetër të bëjë një rebalans të buxhetit, para se gjithash për shkak të hedhjes së buxhetit në pjsën e investimeve kapitale, transmeton Telegrafi Maqedoni.

Sipas pritshmërive të një pjese të ekonomistëve, arka shtetërore do të riorganizohet edhe në pjesën e mallrave dhe shërbimeve, ku pritet që të ketë shkurtesa.

Baço Uzunov deklaron për Tv Telma se do të duhet patjetër të sakrifikohen daljet kapitale nga buxheti, ku përfshihen edhe harxhimet në mallra dhe shërbime. Mbase kjo mund të bëhet gjatë verës dhe askush nuk do ta kuptojë. Sipas tij, paralelisht me rebalansin, do të jepet edhe një euroobligacion.

Këshillëtari për investime, Goran Markovski, thotë se huamarrja do të lehtësohet, nëse shteti do të jep euroobligacione, por kamatat do të varen nga situata e përgjithshme në vend, por kriza mund të ndikojë në rritjen e kamatës.

Euroobligacioni i katërt ishte 270 milion euro dhe kishte kamatë prej 5.125%. Deri në fund të 2020, Maqedonia, bashkë me kamatat, do të duhet të kthej, 340 milion euro./Telegrafi/