Frankfurter Allgemeine Zeitung: Do të ishte e logjikshme që Maqedonisë t’i merret rekomandimi për fillim të bisedimeve për anëtarësim në BE

Gazeta gjermane „Frankfurter Allgemeine Zeitung“ (FAZ) shkraun se do të ishte e logjikshme që Maqedonisë t’i merret rekomandimi për fillim të bisedimeve për anëtarësim në BE, për shkak të problemeve me korrupsionin, sundimin e ligjit dhe mediave, transmeton Telegrafi Maqedoni.

Sipas një analize të publikuar në këtë gazetë, Maqedonia përballet me një numër problemesh, siç janë, kriza politike e brendshme, bllokimi i proceseve eurointegruese nga ana e Greqisë dhe ngecjanë zbatimin e reformave. Për FAZ-në, këto probleme e shndërrojnë Maqedoninë në një vend që çfarëdo që të bëj BE-ja, do të jetë gabim.

Gazeta në fjalë citon deklaratën e Menduh Thaçit, ku thotë se problemet e „sistemit imun mund të zgjidhen vetëm me hyrjen e vendit në NATO dhe tejkalimin e konfliktit ndëretnik në mes të shqiptarëve dhe maqedonasve“.

Në analizë përmendet edhe BDI-ja, e cila, sipas gazetës, k andërtuar sistem klientelist që është i ngjashëm me atë të palës maqedonase, ndërkaq për liderin Ali Ahmeti, thotë se nuk ka asnjë interesim për tejkalimin e sistemit të ndarjes etnike, pasi që kjo i jep mundësinë e pjesëmarrjes në qeveri, pa patur parasysh se kush fiton te entiteti maqedonase./Telegrafi/