Tezja që iku në SHBA, zbulon sekrete për nipin diktator

Yong-Suk, e cila me burrin e saj Ri Gang dhe tre fëmijët e tyre jeton me identitete të reja në SHBA, është motra e Ko Yong-Hui, një prej grave të liderit të ndjerë Koresë së Veriut, Kim Jong-Il, që është nëna e liderit të tashëm, Kim Jong-Un.

Çifti që ishte i afërt me autoritetet e këtij shteti komunist, është dërguar në Zvicër për t’u kujdesur për anëtarët e familjes së liderit koreanoverior, në mesin e të cilëve ishte Kim Jong-uni (gjatë shkollimit në këtë shtet).

“Nuk shkaktonte probleme, por lehtë nervozohej sepse i mungonte toleranca”, tha ajo për gazetën amerikane Washington Post, transmeton Telegrafi. “Kur nëna e tij u përpoq ta qortonte se po luan shumë e po mëson pak, ai nuk ia ktheu, por protestonte në mënyra tjera, siç ishte refuzimi për të ngrënë”.

Sipas saj, Kim Jong-un ka lindur në vitin 1984 e jo në vitin 1982 apo 1983, siç besohet. Pra, ai ishte 27 vjeç kur në vitin 2011 merr pushtetin në Korenë e Veriut.

Kim në fakt e dinte që në vitin 1992 se ai do ta trashëgojë babanë e tij si lider i ardhshëm i vendit. Këto sinjale ishin të dukshme madje në ditëlindjen e tij të tetë, kur merr uniformë gjenerali e kur hierarkia e lartë ushtarake i përulet.

Tezja e tij jeton fshehurazi diku afër New Yorkut, pasi dezertoi në vitin 1998. Nuk dihen shkaqet e ikjes, por dihet se me burrin është lajmëruar në Ambasadën amerikane në Bernë të Zvicrës. Pas disa muajve të marrjes në pyetje, ata janë dërguar në SHBA, “disa orë vozitje larg New Yorkut”, ku kanë nisur jetë të re e ku kanë hapur një kompani (me ndihëm e CIA-s në që dha shumën prej 200 mijë dollarëve).

Fëmijët e saj kanë ndjekur universitetet dhe kanë gjetur punësim në SHBA.

Ndonëse çifti ka bashkëpunuar me CIA-n, burri i saj – në këtë intervistë të parë me gruan e tij, për çfarëdo mediumi – thotë se nuk e kanë treguar asnjë sekret shtetëror.

“CIA mendonte se ne dimë sekrete, por nuk i dinim”, thotë ai. “Ne veç kujdeseshim për fëmijët dhe ndihmonim në mësimin e tyre”. /Telegrafi/