Janë shumë joshëse, edhe pse jo të bukura. Ekziston një magji e hollë që disa e zotërojnë më shumë sesa të tjerat. Nga vjen? Kemi kërkuar të kuptojmë artin e joshjes, nëse është i lindur apo mësohet.
“Dua të jem më femërore”. Duket sikur është kërkesa më e përmendur nga klientët që kërkojnë konsulencë nga psikologët. Feminiliteti, realizim i vetvetes? Apo sidomos një instrument për të joshur.
Trashëgimia mëmësore
Një dëshirë absolutisht legjitime që pohohet edhe nga ekspertët: “Një grua shumë femërore, sot e përdor joshjen për të krijuar një relacion me të tjerët dhe jo vetëm për të qenë e dëshirueshme në sy të burrave”, pohon Alberto Caputo, psikiatër dhe seksolog në Milano. Por me cilin model krahasohemi sot?
Figura e parë femërore me të cilën hyjmë në kontakt është mamaja jonë. Ajo transmeton feminilitetin: të drejtë, të kursyer ose të zmadhuar. Kjo nuk do të thotë se një nënë shumë e kujdesshme për veten influencon tek e bija. Mekanizmat janë më kompleksë. Nuk është thjesht aparenca që vlen, por motivacionet e brendshme të zgjedhjeve femërore si truku, veshjet, gjestet, mënyra e të funksionuarit.
Gjithçka varet nga mesazhet e pandërgjegjshme që një nënë i jep së bijës. Një vajzë është vigjilente për të kuptuar nëse e ëma trukohet vetëm për t’u pëlqyer burrave, nëse refuzon të trukohet për mungesë vetëvlerësimi apo për një zgjedhje të lirë, duke mos e vënë në diskutim të qenit grua.
“Me mamanë time ka pasur gjithnjë një diskutim të hapur e plotësues rreth veshjeve, rreth mënyrës së të qenit. Më ka këshilluar dhe kjo bën diferencën, do të doja të plakesha në stilin e saj: e thjeshtë, sensuale, elegante”, rrëfen Ada, 37 vjeç. Përvoja e ndryshme për Elonën, 31 vjeç, e cila edhe ajo ka pasur një mama të kuruar, por pa shkëlqim: “Sot unë trukohem, kujdesem, vishem mirë, por nuk ndihem fare femërore”…
Figurat e tjera femërore
Nëse mamaja përfaqëson takimin e parë ose shkëputjen me feminilitetin, edhe mikeshat, motrat, aktoret apo gratë e famshme luajnë një rol përcaktues në forcimin ose modifikimin e raportit me feminilitetin tonë. “Gratë mësojnë njëra nga tjetra”, shpjegon Maryse Vaillant, psikologe docente në Universitetin Paris VII, shkruan revista Psikologji. Janë shkëmbime të shëndetshme për krijimin e unit. Një motër mund t’i japë zë një dyshimi që priremi ta fshehim. Një mikeshe të besuar i japim autoritetin për të këshilluar një prerje të re flokësh ose të gjykojë stilin tonë të veshjes. Edhe një grua e famshme mund të ndikojë te ne…
Vështrimi dashuror
Po figura mashkullore ç’rol luan? Kontradiktor. Sipas Maryse Vaillant, feminiliteti shkëlqen kur janë tejkaluar rivalitetet edipike. “Jam 46 vjeç dhe kam dy djem të rritur, – tregon Irena. E megjithatë ndihem me të vërtetë grua, vetëm kur bashkëshorti im më sheh me dashuri. Nuk jam e veshur në mënyrë seksi, e as nuk luaj femrën fatale. Jam një tip normal, madje do të thosha pak djaloshare, por kur e ndjej se jam e dëshiruar, ndihem tjetër grua, bëhem me krahë”.
Raporti dashuror shpërthen një energji të tillë, të aftë për të ndikuar në të gjithë trupin, në gjeste, në qëndrim, në imazhin e tërë apo në mirëqenie. “Nuk ka asgjë për t’u habitur nga ky shndërrim, – thotë Caputo. Në raportin intim gjendet pohimi i specifikës sonë fizike dhe emotive, ndihet njohja nga tjetri”. Dhe është një moment tërësisht shpërblyes. /Telegrafi/
Promo
Reklamo këtuLufta Prigozhin - Putin
Më shumëAnna Wintour me një fustan që femrat e adhurojnë, dizajni do të jetë hit gjatë ditëve të ngrohta
Shikojani burrit duart dhe kuptojeni nëse është duke ju tradhtuar
Balenciaga shet një byzylyk që duket si shirit ngjitës, ndërsa çmimi është "i turpshëm"
Ndërprerja e ushqyerjes me gji: Pesë teknika që do të ndihmojnë në shkëputjen e fëmijës nga qumështi i gjirit
Çfarë tregon prania e proteinave në urinë gjatë shtatzënisë
Sa zgjat ovulacioni dhe kur mund të mbetem shtatzënë?
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Bëhen bashkë pas dy vitesh Blero e Afrona Dika
Çfarë thuhet në alarmin e NATO-s për aktivitetet 'armiqësore' ruse në Evropë?
“Thellohet misteri” – bleu apo jo SHBA-ja, 81 aeroplanë të vjetër sovjetikë nga Kazakistani?
Nga qershori Aeroportit të Prishtinës i shtohet edhe një linjë e re fluturimi
Xhaka me Bayer Leverkusenin hap të madh drejt finales, Roma bie në ‘Olimpico’
"Nuk ka mbaruar ende, na duhet edhe një gol kundër Romës për finale" - Xhaka flet pas fitores së madhe