Nga viti i ardhshëm Cambridge edhe në shkollat e mesme të Maqedonisë

Vazhdon zbatimi i programeve mësimore Cambridge. Po ashtu janë intensifikuar përgatitjet për vazhdim të reformës Cambridge në arsim, transmeton Telegrafi Maqedoni.

Pas nxënësve prej klasës së parë deri në atë të gjashtë, edhe nxënësit e klasave të shtata, teta dhe të nënta do të pajisen me libra mësimor dhe programe mësimore nga matematika dhe lëndëve nga grupi i shkencave natyrore, të përpunuara nga furnizuesi më i madh botëror me libra mësimor – Qendra Cambridge.

Bëhet fjalë për një reformë me të cilën, gjithnjë sipas organeve kompetente, eliminohen të gjithë dilemat nëse një program i caktuar apo libër mësimor është i mirë apo jo, ose nëse është adekuat për moshën ose jo.

Siç mëson Telegrafi Maqedoni, për reformat e këtilla, organet kompetente fillimisht kanë trajnuar 80 këshilltarë nga Byroja për zhvillimin e arsimit, të cilët pastaj do ti transmetojnë njohuritë edhe te kuadri mësimor.

Librat mësimor do të vazhdojnë të shpërndahen falas, ndërsa nga viti i ardhshëm shkollor, Cambridge do të hyjë edhe në orët mësimore të shkollave të mesme./Telegrafi/