Nxënësi grushtoi mësuesen (video)

Nxënësi i klasës së tetë në shkollën fillore “Nazmi Zhegrova” në Stanovc, Jetmir Bajqinovci, e ka goditur me grusht arsimtaren e gjuhës shqipe, Gjylë Muhaxheri.

Vetë Jetmiri, thotë se ndihet keq për atë që i bëri mësueses, por nuk mund ta përballonte ofendimin dhe fjalën “guban” të cilën thotë se ia ka thënë mësuesja.

Xhavit Bajqinovci, babai i djalit thotë se një inat dhe sulm verbal nga mësuesja ka ndodhur tash e dy vjet drejt djalit, raporton KTV.

Me gjithë këto, prindi këmbëngulë që djali i tij do të vazhdojë shkollimin në të njëjtin vend.

Mësuesja Gjylë Muhaxheri, me shtëpi më pak se 1 kilometër larg nxënësit që e sulmoi, tashmë ka marrë trajtim mjekësor në sy, ndërsa nuk pranon ta ketë ofenduar Jetmirin, përkundrazi e ka këshilluar disa herë për të mirë.

Por, pas këtij rasti, Mësuesja thotë se do ta kërkojë përfundimisht nga drejtori përjashtimin e Jetmir Bajqinovcit, e nëse një gjë e tillë nuk ndodhë, kjo do të largohet nga mësimdhënia në atë shkollë.

Familja e Jetmir Bajqinovcit ndodhen në një gjendje të vështirë ekonomike. Ndërsa, për mësuesen, e pranueshme do të ishte ta toleronte qëndrimin e djalit edhe nëse drejtori sjellë sigurim në shkollë.

https://vimeo.com/166395866