Nënkryetari i Federatës Gjermane të Futbollit, Rainer Milkoreit, ka pritur se Federata e Futbollit e Kosovës (FFK) do të kalojë nëpër një proces të vështirë drejt pranimit në Konfederatën Evropiane të futbollit UEFA.
Ai të enjten në një intervistë dhënë gazetës Koha Ditore ka thënë se Gjermania e ka kuptuar se Kosova nuk ka vetëm miq, por edhe shumë armiq.
Milkoreit të enjten ka qenë mysafir special i Bordit të FFK-së, ndërsa u prit edhe nga ministri i Kulturës, Rinisë dhe Sportit, Kujtim Shala. I dyti i shtëpisë gjermane të futbollit ka theksuar se procesi i votimit të fshehtë për pranim në Kongresin e UEFA-s ka qenë i rrezikshëm për Kosovën. Ai është i befasuar që shumë shtete nuk kanë votuar ashtu siç janë deklaruar. Milkoreit ka theksuar se në një të ardhme jo të largët Gjermania mund të luajë ndeshje miqësore kundër Kosovës.
KD: A keni pritur se votimi në UEFA do të kalojë me vështirësi për Kosovën?
Rainer Milkoreit: E kam pritur se do të jetë një proces shumë i vështirë, sepse gjatë pesë vjetëve që kam qenë në këtë operacion i involvuar për ta ndihmuar Federatën e Futbollit të Kosovës, e kam kuptuar që nuk ka vetëm miq, por edhe shumë armiq.
KD: Si i vlerësoni reagimet e disa shteteve mike të Kosovës që dolën kundër saj?
Milkoreit: Të them të drejtën, ka qenë dëshpërues reagimi i disa shteteve për çka nuk dimë saktë arsyet, mirëpo Federata e Futbollit e Kosovës duhet ta lërë prapa gjithë këtë energji negative dhe të koncentrohet në punët që e presin, vendimet dhe në integrimin sa më të shpejtë si anëtare e UEFA-s.
KD: Votimi në mënyrë të fshehtë ishte në favor apo disfavor të Kosovës?
Milkoreit: Votimi i fshehtë në këtë proces u ka dhënë mundësi shumë federatave që janë sjellë ndryshe në realitet të veprojnë ndryshe me votë. Pra votimi i fshehur u ka dhënë mundësi që të kalkulojnë në këtë drejtim.
KD: Cila është ndihma e Gjermanisë për futbollin e Kosovës?
Milkoreit: Ne e kemi ndihmuar në shumë drejtime Kosovën tash e pesë vjet si në edukim, trajnim, lobim dhe shumë gjëra të tjera. Tash ka ardhur koha që të nënshkruajmë një memorandum bashkëpunimi që të hapim shumë sfera të tjera që nuk kemi punuar deri tash. Kemi qenë deri në momentin e fundit me Kosovën dhe do të vazhdojmë të jemi pranë saj. E kemi ndihmuar dhe do të vazhdojmë edhe në të ardhmen, për shkak se Kosovën e vlerësojmë një nga shtetet mike.
KD: A mund të ndodhë që Kosova të luajë miqësore me Gjermaninë?
Milkoreit: Do të tentojmë që me të gjitha grupmoshat, duke nisur nga ajo e femrave dhe grupmoshave të tjera të luajmë ndeshje miqësore. Duhet ta kuptojmë se me përfaqësuesen ‘A’ është pak më e vështirë, për shkak se dihet që bëhen plane afatgjate, por sigurisht se do të punojmë në këtë drejtim që sa më shpejt të jetë e mundur edhe një ndeshje e tillë miqësore me Kosovën.
Lufta Prigozhin - Putin
Më shumëNga Rubrika
Arsenali bën gati 50 milionë euro për top mesfushorin e Real Sociedadit
Grushte të fuqishme dhe hedhje në tokë, turko-gjermani Cinkara e fiton luftën ndaj boksierit kosovar Armend Xhoxhaj
Tuchel e ka analizuar Real Madridin në detaje – por zbulon një shqetësim të madh para ndeshjes
Ish-legjenda e Liverpoolit tregon ‘arsyen e vetme’ që çoi tek përplasja e Salahut me Kloppin
Klubi i ka 2,2 milionë euro borxh, ylli i Kosovës tregon si e ndërpreu kontratën falë FIFA-s
Pamje të reja nga përplasja e Salahut me Kloppin tregojnë saktësisht se çfarë ka ndodhur
Gjest i shëmtuar nga tifozët e Atletico Madridit, Nico Williams ndalon lojën në gjysmë për shkak të koreve raciste
Salah dhe Klopp përfshihen në një përplasje të furishme verbale – egjiptiani duhej të qetësohej nga Nunez
Teknologjia e vijës së portës ka analizuar golin në El Clasico, është konfirmuar se ishte apo nuk ishte
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Këto janë vendet ku TikTok tashmë është i ndaluar – dhe nuk janë pak
Florin Krasniqi kërkon mbi 28 milionë euro dëmshpërblim nga Mali i Zi
Ngacmimet seksuale, Salihaj: Në vitet e 70-a profesorët e UP-së kishin shtretër nëpër kabinetet e tyre
Teknologjia e vijës së portës ka analizuar golin në El Clasico, është konfirmuar se ishte apo nuk ishte
Zelensky tregon tri llojet e armëve që i duhen Ukrainës për të mposhtur Rusinë
Zbulohet favoriti i ri për të fituar Topin e Artë 2024: Haaland mbetet mbrapa në garë