Ministri i Arsimit, Shkencës dhe Teknologjisë, Arsim Bajrami, mori pjesë në punëtorinë ku u bë prezantimi i draftit të Planit Strategjik për Arsim të Kosovës 2017-2021, e cila organizohet nga MAShT, në bashkëpunim me GIZ-CDBE (Zhvillimi i Kapaciteteve në Arsimin Fillor).
Ministri Bajrami, me këtë rast ka theksuar rëndësinë e prezantimit dhe diskutimit të Draftit të Planit Strategjik 2017/ 2021, ndërsa theksoi se përmes një Plani të përshtatshëm dhe të zbatueshëm synojnë të arrijnë krijimin e një sistemi cilësor në fushën e arsimit, si parakusht për zhvillimin ekonomik të vendit.
Duke folur për objektivat e arsimit për periudhën e ardhshme pesëvjeçare në Arsimin Parauniversitar, ministri Bajrami ka theksuar se, Qeveria e Republikës së Kosovës, pas përmirësimit të infrastrukturës shkollore, prioritet kryesor e ka reformën cilësore në arsim.
“Asnjë proces i zhvillimit ekonomik nuk është i mundur pa një sistem arsimor cilësor dhe të përshtatur me nevojat e tregut të punës. Ne po diskutojmë rrugën tonë për pesë vitet e ardhshme, se si të krijojmë një sistem arsimor cilësor, në përputhshmëri të plotë me nevojat e një ekonomie në zhvillim, i cili do të nxjerr gjenerata të tëra të nxënësve dhe studentëve me kompetenca dhe shkathtësi”, është shprehur ministri Bajrami.
Ai ndër të tjera, rëndësi të veçantë i ka kushtuar edhe politikave arsimore për ngritjen e kapaciteteve dhe reformimin e arsimit të lartë, përmes krijimit të sistemit të konkurrencës dhe llogaridhënies.
“Arsimi i Lartë është një fushë ku duhet fuqishëm dhe shpejtë të reformojmë sistemin arsimor. Duhet krijuar një sistem të konkurrencës së lirë dhe të vlerave akademike, sepse sektori publik dhe privat janë të barabartë dhe krijojnë konkurrencë pa monopole, duke vendosur një sistem në të cilin do të vlerësohet performanca”, ka thënë ministri Bajrami.
Në fund, ministri Bajrami ka përmendur momentumin pas rekomandimeve për liberalizim të vizave si një mundësi më shumë për mobilitet të nxënësve dhe studentëve, si një mundësi e mirë për të shfaqur talentin e të rinjve kosovarë karshi bashkëmoshatarëve nga vendet e zhvilluara evropiane.
Ndërsa, James Macbeth, drejtor i Zyrës së GIZ në Kosovë dhe Dagmar Fuchs-Schmitz, udhëheqëse e Projektit GiZ-CDBE kanë vlerësuar lartë bashkëpunimin dhe përkrahjen e fuqishme që i ka dhënë ministri Bajrami draftimit të Planit Strategjik për Arsim të Kosovës 2017- 2021.
PSAK 2017/ 2021 për nivelin e Arsimit Parauniversitar përfshin: zbatimin e tërësishëm të Kurrikulës së Re në nivel vendi, përfundimin e procesit për rishikimin e teksteve shkollore, orientimin e hershëm të nxënësve në karrierë, përshtatjen e plan programeve mësimore me nevojat e tregut të punës, përfshirjen e obligueshme të fëmijëve në sistemin e edukimit nga mosha 3 vjeçare dhe sistemin e gjithë përfshirjes. /Telegrafi/
Promo
Reklamo këtuLufta Prigozhin - Putin
Më shumëParlamenti britanik miratoi mocionin e Alicia Kearns për Kosovën
Alarmi i Alicia Kearns për Ballkanin, politologët komentojnë deklaratën e deputetes britanike
Kastrati vendos "delen" mbi foltore, i drejtohet Qeverisë: Populli nuk është dele, krejt jeni hajna
Tension në Kuvend mes PDK-së e LVV-së, Shala ia ndalon fjalën Kusari-Lilës – nënkryetarja thërret sigurimin
Gjendet i vdekur një person në Doblibarë të Gjakovës
Mashtrime me vlerë 10 milionë euro, SPAK operacion kundër Call Center
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
UEFA zbulon lojtarin më të shpejtë për këtë edicion në Ligën e Kampionëve
Zyrtare: Bundesliga me pesë skuadra në Champions duke iu falënderuar Dortmundit
A di të ndalet ky Ronaldo? Çfarë goli me këmbën e majtë
Mohamed Salah thyen heshtjen në rrjetet sociale pas përplasjes që kishte me Jurgen Klopp
Të gjithë po pyesin për ritualin e Bellingham para çdo ndeshjeje – anglezi shpjegon përse e bën
Bajrami: Jam i gatshëm ta ndihmoj Kurtin në procesin e Asociacionit