Aksidentet në trafik, plaçkitjet dhe kafshët endacake perceptohen si tri sfidat kryesore të sigurisë publike.
Në katër vitet e kaluara, mesatarisht 17 e 700 aksidente trafiku kanë ndodhur në vit, rreth 10 mijë njerëz janë lënduar dhe më shumë se 120 persona kanë humbur jetën çdo vit. Ngjashëm, rreth 7000 plaçkitje janë raportuar në polici në dy vitet e fundit.
Këto statistika kanë dalë nga Qendra Kosovare për Studime të Sigurisë, e cila sot ka lansuar rezultatet e Edicionit Special të Barometrit Kosovar të Sigurisë mbi Trendët e Perceptimeve të Qytetarëve për Sigurinë Publike në Kosovë në katër vitet e fundit (2012 -2015).
Sipas këtij raporti gjatë kësaj periudhe, mesatarisht, 40 për qind e qytetarëve ndihen të sigurt në Kosovë, 40 përqind nuk kanë ndonjë mendim të ndarë dhe as nuk ndihen sigurt dhe as pasigurt, përderisa 20 përqind e qytetarëve ndihen të pasigurt në Kosovë.
Shikuar në katër vitet e fundit është shënuar një trend pozitiv i kufizuar në perceptimet mbi sigurinë e përgjithshme publike. Megjithatë, kriza politike në vend viteve të kaluara e ka stagnuar këtë trend pozitiv kundrejt ndjenjës së sigurisë tek qytetarët.
Raporti konstaton se lagjet e banuara nga komuniteti serb dhe ato përgjatë vijës kufitare me Serbinë (të banuara nga komuniteti shqiptar) rezultojnë të ndihen më pak të sigurta në krahasim me qytetarët e rajoneve të tjera të Kosovës.
Në anën tjetër, gratë kanë shprehur shkallë pak më të lartë të ndjenjës së sigurisë në shtëpitë/apartamentet e tyre në krahasim me burrat. Mirëpo, ndjenja e tyre e sigurisë zvogëlohet dhe është dukshëm më e ulët në nivel të komunitetit.
Ndër arsyet kryesore që kanë ndikuar në ndjenjën e sigurisë tek qytetarët nuk ndërlidhen me mbrojtjen që ata gëzojnë nga institucionet shtetërore e të sigurisë.
Për më tepër, 52 për qind e qytetarëve ndihen të sigurt me faktin që ata jetojnë në një lagje të mirë dhe 35 për qind me faktin që ata jetojnë jetë normale dhe respektojnë ligjin dhe rendin.
Në anën tjetër, vetëm 4 për qind e qytetarëve deklaruan që ndjehen të sigurt sepse institucionet shtetërore të sigurisë e kryejnë mirë punën e tyre.
Për sa i përket bashkëpunimit polici-qytetar, rezultatet e katër viteve të fundit tregojnë që është rritur kontakti ndërmjet qytetarëve dhe policisë dhe njëkohësisht edhe besimi i qytetarëve ndaj policisë.
Po ashtu, shumica e qytetarëve kanë shprehur gatishmërinë e tyre për të raportuar krimin tek policia.
Mirëpo, pavarësisht këtyre rezultateve, vërehet që janë rritur edhe shqetësimet e qytetarëve në lidhje me shpalosjen e identitetit nga ana e policisë në rast të raportimit dhe efektivitetin e policisë në luftimin e krimit dhe dukurive tjera negative.
Në anën tjetër, vetëm një përqindje e ulët e qytetarëve e konsideron dhunën në familje si problem komuniteti në Kosovë dhe për më tepër vërehet dozë ngurrimi për tu përgjigjur drejt mbi këtë çështje.
Përveç kësaj, është shqetësues fakti që vërehet mungesë serioze e vetëdijes lidhur me dhunën në familje, posaçërisht kur kemi të bëjmë me format e ndryshme të manifestimit të saj.
Përmirësimi i sistemit arsimor dhe zhvillimi ekonomik janë identifikuar nga më shumë se 90 për qind të respondentëve si dy masat primare të cilat do të ndikonin në përmirësimin e sigurisë publike në Kosovë.
Promo
Reklamo këtuLufta Prigozhin - Putin
Më shumëMbi 1 milion qytetarë të regjistruar deri më tani në Kosovë
Tragjedia në Shkodër, prokuroria zbulon mesazhet ofenduese dhe tradhtinë në celularin e bashkëshortit të Alma Arrazit
Gjendet trupi i fëmijës së tretë të mbytur në Lumin Bunë, vazhdojnë kërkimet për Alma Arrazin
Shtatë xhaketa të ushtrisë, fishekë e radio lidhje – Policia njofton se çfarë u gjet në shtëpinë e të dyshuarit që sulmoi Policinë dhe KFOR-in
Çfarë pyetje u bëhen qytetarëve në diasporë për regjistrim?
“Para se të hidhej e pa Erdgysin me 18-vjeçaren": Zbardhet dëshmia e motrës së Almës
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
"Dhëmbët, flokët e veshët" - Gani Gërmia me ndryshime drastike në pamje
Palestinezët festojnë "pranimin e marrëveshjes" nga Hamasi, ndërsa izraelitët protestojnë për kthimin e pengjeve
Blero flet për takimin me Afronën: Kur e pashë atë duke qarë, më doli loti - edhe burrat qajnë
Reagojnë zyrtarët e lartë të SHBA-së pas lajmit se Hamasi e ka "pranuar marrëveshjen"
Tre sulmuesit që Xavi i do për të përforcuar sulmin e Barcelonës këtë verë
Luiz Ejlli thyen heshtjen, flet për padrejtësitë në Big Brother: Më përdorën familjen, por çmimin e madh e fitova në momentin që më tha Kiara 'PO'