Si e kuptoi presidenti Gjorgje Ivanov për Kosta Krpaç?

Megjithatë, Ivanovi nuk është përmbajtur vetëm te paraqitjet e vitit të kaluar të LSDM-së, për këtë gjë është dëshmi edhe vendimi me të cilin e falte Kosta Krpaç dhe në të cilin gjenden edhe Vladisllav Stajkoviq, pronar i NVSP dhe drejtorit të NVSP, Hristijana Paneva. Këto tre nuk janë përmendur në paditë penale të opozitës, edhe pse firma NVSP ka qenë pjesë e bombave për furnizimin e mjeteve izraelite, shkruan BIRN.

Për rastin e mjeteve izraelite të përgjimit, LSDM-ja ngriti padi penale vetëm për ish drejtorin e DSK-së, Sasho Mijalkov dhe bashkëpunëtores së saj Svetlana Kostova dhe për biznesmenin izraelit, Haim Hakijni, ndërsa Ivanovi sipas kësaj renditje i fali.

“Sipas informacioneve tona jo zyrtare, rasti për të cilin është falur Krpaç në mënyrë indirekte është i lidhur me mjetet izraelite të përgjimit dhe për këtë arsye ende më e madhe është enigma se si presidenti Ivanov e ka kuptuar për hetimin që është krijuar në Prokurorinë Speciale, dhe për të cilën kanë mundur që të dinë vetëm prokurorët special.
Prokuroria Speciale veçse tha se Krpaç nuk ka qenë i dyshuar për asnjërën lëndë që udhëhiqej në këtë prokurori, ndërsa ai megjithatë u gjend në listën e të falurve. Përgjigje në këtë dilemë mund të kërkohet në njoftimin e Gjykatës Themelore Shkupi 1 prej ku e marrim vesh se Prokuroria Speciale Publike ka kërkuar leje gjyqësore për kontroll në banesën e Krpaç”, shkruan BIRN.

Kështu mendon edhe avokati Aleksandar Tortevski.
“Prokuroria Speciale Publike ka kërkuar leje që të kryej një kontroll në banesën e Krpaç. Ky informacion nga gjykata iu është dhënë Ivanovit, i cili Krpaç e ka vendosur në listën e faljes, edhe pse ai ka qenë vetëm dëshmitar, vet është paraqitur dhe ka bashkëpunuar me Prokurorinë Speciale publike.

As gjykata e as Gjorgje Ivanov nuk e kanë ditur se kontroll mund të kërkohet edhe në hapësirën e një personi që nuk është person i dyshuar ose është dëshmitar, ashtu si ka qenë në rastin në fjalë”, theksoi Tortevski./Telegrafi/