Maqedonia pjesë e garës globale “hacathon” të NASA

Njëqind e njëzetë student nga Maqedonia sot u përfshinë në garën dyditore globale hacathon të Organizatës Amerikane hapësinore  (NASA) me titull „NASA Space Apps Challenge„, transmeton Telegrafi Maqedoni.

Studentët e programimit dhe dizajnit, biologjisë, kimisë, fizikës, gjeografisë…. në 48 orët e ardhshme do të krijojnë zgjidhje novatore dhe do të kërkojnë ide novatore për zgjidhjen e problemeve të planetit tonë, si dhe zgjidhje dhe solucione për jetë në Hapësirë. Ekipet do të punojnë në sfida të ndërlidhura me aeronautikën, planetin Tokë, stacionet hapësinore, rrugëtimin në Mars, sistemin diellor dhe teknologjinë hapësinore.

Ekipet më të mira do të kenë mundësi të hyjnë në Programin evropian për përshpejtim të projekteve, i cili do tu ndihmojë në realizimin e projekteve të tyre.

Përndryshe, në Maqedoni, këto gara i organizon kompania maqedonase-amerikane „New man’s business accelerator“, organizatori edhe i garave në Luginën e silicit dhe bashkë organizator i ngjarjeve të këtilla në San Francisko dhe Los Anxhelos./Telegrafi/