Çollaku: Nuk jam dezertor… (Video)

Ministri i Integrimeve Evropiane, Bekim Çollaku, thotë se nuk do të le drejtimin e Ministrisë se Integrimeve Evropiane, për sa kohë që nuk bëhet liberalizimi i vizave.

Ai thotë se i ka pasur dy detyra kryesore qe nga marrja e mandatit si ministër i Integrimeve Evropiane: Nënshkrimi i MSA-së dhe përfundimi i dialogut për procesin e liberalizimit të vizave.

“Unë mund të ju them me seriozitetin më të madh se unë nuk njihem si dezertor që i lë punët përgjysmë dhe shkoj diku ku e kam më lehte në asnjë mënyrë. Një gjë që e marr përsipër e çojë deri në fund dhe nuk negocioj më përmbushjen e asaj detyre. Dy detyra i kam pasur kryesore nga marrja e mandatit si ministër i Integrimit Evropian: Nënshkrimin e MSA-së dhe përfundimin e dialogut për procesin e liberalizimit të vizave. E para është kryer vitin e kaluar kjo e dyta jam i sigurt qe do të kryhet gjatë këtij viti dhe kur kjo të kryhet atëherë mund të mendoj për karrierën time”, ka deklaruar ndër të tjera Çollaku në emisionin “Politikë”, me Sejdi Demirin në Tribuna Channel.

Në intervistën e sotme për Tribuna Channel e cila transmetohet nga ora 20:45, Çollaku ka folur edhe për përmbushjen e kritereve për liberalizimin e vizave, për protestat e dhunshme, si dhe për koktejin e molotivit drejtuar presidencës.

Se sa e kanë dëmtuar këto imazhin e Kosovës në rrugëtimin euro atlantik, se a synon Çollaku të jetë pjesë e strukturave të PDK-së, dhe a është funksionalizimi i Gjykatës Speciale kusht për liberalizimin e vizave, përgjigjet i mësoni sonte në Politikë. /Gazeta Tribuna/