Gara presidenciale, kandidatët garojnë në New York

Kandidatët republikanë dhe demokratë në garën presidenciale për Shtëpinë e Bardhë janë në pritje të daljes së rezultateve të New York-ut. Ish-senatorja e këtij shteti, Hilary Klinton do të kërkojë që të përmbysë bilancin e saj negativ, pasi në nëntë garat e fundit ajo ka humbur tetë përballje kundrejt kandidatit tjetër, Bernie Sanders.

Sondazhet tregojnë se Clinton gëzon një avantazh të konsiderushëm përballë senatorit të Vermontit, megjithatë, Sanders ka treguar shpesh gjatë kësaj fushate se është i aftë që të përmbysë edhe parashikimet e bëra nga eksperëtët. Hillary Clinton, votoi së bashku me bashkëshortin e saj, ish-presidentin, Bill Clinton.

Në fjalën e saj, Clinton kërkoi mbështetjen e qytearëve duke i inkurajuar ata që të votojnë. Nga rradhët e republikanëve, favoriti kryesor është pikërisht Donald Trump.

Miliarderi gëzon një avantazh përballë rivalit të tij kryesor, Ted Cruz. Në fjalën e tij, Trump tha se është një nder i madh për të që të gjendet në New York, ndërkohë që përsëriti edhe njëherë sloganin e fushatës së tij: “Le t’a bëjmë Amerikën sërish madhështore”.

Sipas parashikimeve, Donald Trump pritet të fitojë afro 50% të votave, ndërkohë që dy kandidatët e tjerë Ted Cruz dhe John Kasich, qëndrojnë secili në kuotën e 20%-shit.