“Është palaqollëk që të thuhet se raporti i DASH-it s’është i bazuar në fakte”

Nënkryetari i Aleancës për Ardhmërinë e Kosovës, Ardian Gjini, në Info Magazine të Klan Kosovës ka thënë se raporti i Departamentit Amerikan të Shtetit për korrupsionin në Kosovë nuk ka thënë diçka të re, por e ka fuqizuar atë që dihet.

Ai ka theksuar raste të shumta, siç i ka quajtur ai “korruptive” në qeverisjen e Isa Mustafës, që sipas tij kanë ndikuar që raporti të jetë i tillë, njofton Klan Kosova.

“Një kohë të gjatë është krijuar bindja që dy raporte që janë më të rëndësishme, ai i DASH-it dhe i KE-së, secilën herë na e thonë të njëjtën gjë. Ato raporte nuk na thonë asgjë të re, pasi ne e dimë që korrupsioni është endemik. Mendoj se kryeministri po bën gabimin e radhës. Sado që atij mund t’i duhet i vogël një tender i vogël për djemtë e tij, prapë është element korruptiv. Sado që mund t’i duhet i vogël rasti i dhënies së tenderit një deputeteje të Kuvendit të Kosovës për ta votuar presidentin, prapë është rast korruptiv. Është palaqollëk të thuhet se raporti i DASH nuk është i bazuar në fakte”, ka thënë ai.