Mbijetesa e serbëve në Kosovë ka qenë dhe do të jetë gjithmonë e lidhur ngushtë me raportet e mira me qeverinë e Serbisë, kushdo që do ta përbëjë këtë qeveri. Serbët nuk mund të mbijetojnë të ndarë mes vete, aq më tepër duke kundërshtuar qëllimet kryesore të qeverisë së Serbisë. Kështu u tha mes tjerash të enjten në veri të Mitrovicës, gjatë një konference me gazetarë të organizuar nga Iniciativa Qytetare “SDP”, ku mori pjesë edhe drejtori i Zyrës për Kosovën pranë qeverisë së Serbisë, Marko Gjuriq.
Milena Ivanoviq, bashkëshortja e Oliver Ivanoviqit, ka lexuar letrën që ky i fundit e kishte dërguar nga burgu, në të cilën thuhej se Qeveria e Serbisë ka mbështetjen e plotë të Iniciativës “SDP”, Oliver Ivanoviq.
“Kjo Qeveri është duke dëshmuar rezultate dhe besojmë thellë se në periudhën e ardhme këto rezultate do të jenë edhe më të mira. Edhe pse i burgosur padrejtësisht, për arsye politike, jam në kontakte të vazhdueshme me bashkëpunëtorët dhe të gjitha vendimet sikurse deri tani, i arrimë me marrëveshje”, ka lexuar Ivanoviq letrën e bashkëshortit të saj.
Marko Gjuriq, drejtor i Zyrës për Kosovën pranë Qeverisë së Serbisë, tha se Oliver Ivanoviq ka qenë dhe mbetet simbol i luftës për liri dhe kundër padrejtësisë ndaj popullit serb në Kosovë.
Sipas tij, mbështetja e Iniciativës Qytetare “SDP” për kryeministrin aktual dhe partinë e tij në këto zgjedhje është e rëndësisë së veçantë, sepse dëshmon unitetin e popullit serb në këtë pjesë.
“Oliver Ivanoviq në rrethana të rastësishme tragjike të periudhës së kaluar, ka qenë dhe mbetet simbol i luftës për liri dhe simbol i luftës kundër padrejtësisë ndaj popullit serb në Kosovë. Mbështetja e tij Listës ‘Aleksa ndar Vuçiq – Serbia do të fitojë’, për neve është e rëndësishme dhe domethënëse dhe mendoj se kjo është edhe një shenjë e qartë se populli ynë në Kosovë po bashkohet rreth një politike që do të thotë forcim i institucioneve tona, forcim i prezencës tonë, si në aspektin ekonomik ashtu edhe në atë politik të shtetit tonë, dhe populli ynë në Kosovë ndjen thellësisht sa është e rëndësishme për mbijetesën e serbëve në Kosovë një qeveri e fortë në Beograd, Qeveri e cila e ka mbështetjen e pjesës më të madhe të qytetarëve”, ka thënë Gjuriq, transmeton KP.
Ai premtoi se qeveria e Serbisë së bashku me Iniciativën ‘SDP’ do të bëjnë përpjekje të vazhdueshme për lirimin e Oliver Ivanoviqit nga burgu.
Ksenija Bozhoviq, nënkryetare e SDP-së, njëherësh kryesuese e Kuvendit Komunal në veri të Mitrovicës, ka bërë të ditur se partia e saj, në bazë të konsultave të anëtarëve të kryesisë, ka arritur marrëve shje që në zgjedhjet parlamentare të Serbisë që do të mbahen më 27 prill, ta mbështesë Qeverinë aktuale serbe, përkatësisht kryeministrin Aleksandar Vuçiq.
“Falënderojmë në punën e deritashme diplomatike shtetërore në të gjitha nivelet, si dhe punën që ka bërë ndaj procesit gjyqësor kundër liderit tonë. Shpresojmë të vazhdojë edhe më fuqishëm betejën për ndihmë popullit serb në Kosovë sepse ne në këto momente të vështira të mbijetesës në Kosovë, duhet të dëshmojmë se jemi unikë dhe se vetëm të bashkuar dhe unikë mund të mbijetojmë këtu”, theksoi Bozhoviq.
Lufta Prigozhin - Putin
Më shumëKFOR-i e mohon, por kush negocioi largimin e Raodiçiqit me terroristët e tjerë nga Banjska?
Turistët nga Kosova braktisin Durrësin pas liberalizimit të vizave
KFOR-i mohon se ndërmjetësuan për largimin e paramilitarëve serbë nga Banjska
Paradite polic, pasdite sigurim në diskotekë – IPK po i heton këto raste
Mbledhja e Asamblesë Parlamentare të NATO-s, sot vendoset për avancimin e statusit të Kosovës
Nuk u lejuan të hyjnë në takimin e Ramës në Milano, flasin studentët e Diasporës
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Krijo hapësirën tënde të biznesit – zyre me qira te 4 Llulat – 300€/muaj ID-252
Ofertë e veçantë – vila në Brezovicë ofrohet me zbritje ID-246
Një jetë e re fillon këtu – banesa e gatshme 2+1 në rrugën ‘Gazmend Zajmi’ ID-251
Më të lexuarat
Tifozët janë të shokuar pasi mësuan çmimin që Aston Villa po e kërkon për Coutinhon
Teuta Krasniqi flet për ankthin dhe depresionin që përjetoi pas ndarjes nga Blero
Pas ndarjes nga Xhensila, Bes Kallaku në një lidhje të re dashurie me ish-konkurrenten e “Përputhen”?
Southampton triumfoi në ndeshjen që vlen më shumë para se finalja e Ligës së Kampionëve - shuma që fitoi është e jashtëzakonshme
Kaluan natën së bashku - Ilnisa Agolli ndan një moment nga shtrati me Meritonin
Shpjegohet pse Chelsea nuk do të "pranojë automatikisht" vendin në Ligën e Konferencës