Deklaratat e shefit të grupit parlamentar të PDK-së, Adem Grabovci, se PDK-ja është e hapur të bashkëpunoj me partinë e Ramush Haradinajt, nuk janë mirëpritur edhe aq mirë nga deputeti i AAK-së, Lahi Brahimaj.
Sipas tij, deklaratat e tilla për bashkëpunim eventual në mes të PDK-së dhe AAK-së, janë strategji e Shërbimit Informativ të Kosovës.
Brahimaj, në një prononcim për “Zeri.info”, tha se me Grabovcin mund të shihen vetëm pas zgjedhjeve.
“Ai e gjuan gurin dhe pas atij gurit mos të merret me tema tjera. Në vend që të merret me temat e Demarkacionit, ‘Zajednicës’, por jo, kjo është strategji e SHIK-ut që të gjuhet guri. Me Adem Grabovcin shihemi në zgjedhje, para zgjedhjeve nuk ka asgjë”, ka thënë ai.
Ndërkohë, shefi i Grupit Parlamentar të PDK-së, në numrin e sotëm të gazetës “Zëri” ka deklaruar se, partia e tij nuk ka refuzuar asnjëherë të bashkëpunojë me ato parti që ia duan të mirën vendit.
“Ne nuk kemi asgjë kundër vëllezërve tanë. Ne kemi thënë se nuk bashkëpunojmë me ata që nuk ia duan të mirën vendit dhe që kanë për qëllim destabilizimin”, ka thënë ai. /Zëri/
Promo
Reklamo këtuLufta Prigozhin - Putin
Më shumëShitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Krijo hapësirën tënde të biznesit – zyre me qira te 4 Llulat – 300€/muaj ID-252
Ofertë e veçantë – vila në Brezovicë ofrohet me zbritje ID-246
Një jetë e re fillon këtu – banesa e gatshme 2+1 në rrugën ‘Gazmend Zajmi’ ID-251