Në Medvec të Prizren, zagari kafshon pulën e fqinjët për pak sa nuk vriten me njëri-tjetrin!

Policia e Kosovës njofton se sot rreth orës 14:00, në Medvec të Prizrenit ka plasur sherri në mes të dy fqinjëve me mbiemër Kastrati, që për pasojë ka rezultuar me sulm fizik dhe kanosje me armë.

Deri te konflikti ka ardhur pasi zagari i njërit prej tyre e kafshon pulën e fqinjit. Ata janë rrahur më pas, derisa i sulmuari më pas hyn brenda shtëpisë dhe e kanos me pushkë të gjuetisë sulmuesin.

“Sipas hetuesve të cilët kanë kryer hetime në vendin e ngjarjes, thuhet se njëri nga të dyshuarit ka shkuar tek shtëpia e fqinjit për të shprehur kundërshtimin e tij për shkak se zagari i fqinjit ia ka kafshuar pulën dhe në shenjë zemërimi e sulmon fizikisht fqinjin, me ç’ rast i shkakton lëndim të lehtë trupor, gjë që vërtetohet me raport mjekësor nga emergjenca. Ndërkaq, fqinji i sulmuar, hynë në shtëpi dhe e merr pushkën e gjahut dhe e kanos sulmuesin”, thuhet në njoftim.

Policia e Prizrenit i ka arrestuar të dy të dyshuarit dhe e ka sekuestruar pushkën e gjahut.

“Lidhur me rastin është informuar prokurori i shtetit i cili ka urdhëruar që të dyshuarit të ndalën nën masën e arrestit gjer në një urdhër tjetër”, thuhet në fund.