Petritsch: Dhuna po e rrezikon liberalizimin, Kosova po e humb përkrahjen

I dërguari special i Bashkimit Evropian për Kosovën në vitet 1998-1999, Wolfgang Petritsch, i cili ishte edhe negociatori kryesor i BE-së në bisedimet për Kosovën në Rambujë dhe Paris në vitin 1999 edhe më tutje është duke i përcjellë zhvillimet në Kosovë.

Në një intervistë për Republika.info, diplomati i njohur austriak Wolfgang Petritsch ka folur për krizën politike në Kosovë, liberalizimin e vizave dhe evropianizimin e Ballkanit Perëndimor.

Duke folur për situatën politike, Petritsch thotë se portretizimi i Kosovës me gaz lotsjellës në botë ka zbehur pamjen e një vendi me stabilitet politik.

“Dhuna dhe demokracia janë të pabashkuara. Kosova ka humbur shumë simpati në muajt e fundit. I bashkohem apelit urgjent të demokracisë evropiane, se përdorimi i dhunës psikike, përdorimi i bombave të zjarrit, pengimi brutal i procesit parlamentar janë veprime të dënueshme”, ka thënë Petritsch.

Ai ka folur edhe për ndikimin që mund të ketë përdorimi i dhunës në procesin e liberalizimit të vizave dhe në perspektivën evropiane të Kosovës.

Ambasadori Petritsch ka thënë se liberalizimi i vizave padyshim që është një hap i ardhshëm dhe shumë i rëndësishëm për Kosovën, por ai nuk mund të ndryshojë situatën e të prekurve, derisa nuk do të plotësohen në plotni kërkesat e Bashkimit Evropian.

Petritsch ka thënë se gazi lotsjellës dhe bombat e zjarrit janë duke i trembur qytetarët e BE-së për t’i dhënë mbështetje të plotë liberalizimit të vizave për Kosovën.

“BE-ja do të jetë e hapur për liberalizimin e vizave, në rast se sheh përparim në jetën ekonomike, politike dhe demokratike të Kosovës. Gazi lotsjellës në Parlamentin e Kosovës dhe bombat e zjarrit janë duke trembur shumë qytetarë të BE-së dhe mbështetja për liberalizimin e vizave bie ndjeshëm. Vendimet demokratike duhet të arrihet në mënyrë paqësore. Bombat e zjarrit shkatërrojnë demokracinë e njomë në Kosovë”, ka thënë diplomati austriak për Republika.info.

I pyetur nëse Ballkanit Perëndimor i duhet një evropianizim dhe një perspektivë e përbashkët e anëtarësimit, siç edhe kishte deklaruar më parë, Wolfgang Petritsch ka thënë se Evropa ndodhet në krizën më të madhe që nga fundi i Luftës së Dytë Botërore dhe nevojitet një përpjekje shumë më e madhe për të përballuar këtë krizë me sukses.

“Kjo nuk mund të ndodh nëse i rikthehemi nacionalizmit, në një Evropë ku shtetet dalin kundër njëra-tjetrës. Kjo duhet të ndalet shumë shpejt. Vetëm së bashku ne jemi të fortë dhe të aftë për të përmbushur këtë sfidë historike. Kur them ‘së bashku’, mendoj në të gjitha vendet brenda dhe jashtë BE-së. Prandaj, duhet një angazhim më i madh i BE-së, për përafrimin e shteteve të Ballkanit Perëndimor. Këtë e kam menduar kur kam folur për evropianizim”, ka thënë Petritsch.

Lidhur me dështimin e elitave politike në Ballkan që të modernizojnë shoqëritë e tyre, i pyetur nëse Bashkimi Evropian është platforma më e mirë për të bërë Ballkanin konkurrues me shtete tjera të BE-së, diplomati austriak ka thënë se procesi i integrimit evropian është dashur të përballojë detyra shumë të vështira në të kaluarën.

“Mendoni vetëm në të ashtuquajturën ‘Zgjerimi i Lindjes’, ku praktikisht dhjetë shtete nga Evropa Juglindore janë integruar në strukturat ekzistuese të Brukselit. Jo pa vështirësi, megjithatë me sukses. Kjo arritje, nuk duhet të vihet në pikëpyetje. Të gjitha shtetet e paintegruara, që përbëjnë pothuajse numrin e njëjtë të banorëve me atë të Rumanisë, duhet integrohen përmes një elani të ri politik dhe ekonomik. Por, kjo mund të ndodh nëse elitat politike të këtyre shteteve udhëheqin një evropianizim dhe një politikë për qytetarët: punësim, arsimim, të bazuar në siguri sociale, e cila mund të krijohet nga vetë shtetet e prekura. Deri më tani asistencat e BE-së nuk janë përdorur në mënyrë optimale. Është krijuar përshtypja që njerëzit janë bërë më të varfër, ndërsa politikanët më të pasur. Qytetarët, taksapaguesit në vendet anëtare të BE-së nuk janë më të gatshëm për të mbështetur pafundësisht vendet e Ballkanit, marrë parasysh koston e tejkalimit të krizës së refugjatëve. Është një kohë e vështirë dhe duhet të ndiqet një politikë e ndjeshme për qytetarët”, ka thënë ish i dërguari special i Bashkimit Evropian për Kosovën.

Diplomati austriak Wolfgang Petritsch, për Republika.info ka thënë se BE-ja do të jetë e gatshme të jetësojë kërkesat e miqve të Ballkanit për të përshpejtuar integrimet evropiane vetëm atëherë kur e vëren se qytetarët dhe politikanët e rajonit e dëshirojnë këtë. “Dinamika e anëtarësimit në masë të madhe varet nga vendet e rajonit. Zhvillimi ekonomik duhet të fillojë nga vetë këto shtete. Papunësia, sidomos tek të rinjtë pengon integrimet evropiane”, ka thënë ai.

Petritsch ka thënë se disponimi i vendeve anëtare të BE-së do të ndryshojë përsëri në favor të zgjerimit të mëtejshëm vetëm kur të shihet qartë se ka ndryshime pozitive në luftën kundër varfërisë, papunësisë, korrupsionit në shtetet përkatëse, në të cilat ndryshimi vjen edhe nga vetë populli. /Republika.info/

I dërguari special i Bashkimit Evropian për Kosovën në vitet 1998-1999, Wolfgang Petritsch, i cili ishte edhe negociatori kryesor i BE-së në bisedimet për Kosovën në Rambujë dhe Paris në vitin 1999 edhe më tutje është duke i përcjellë zhvillimet në Kosovë.

Në një intervistë për Republika.info, diplomati i njohur austriak Wolfgang Petritsch ka folur për krizën politike në Kosovë, liberalizimin e vizave dhe evropianizimin e Ballkanit Perëndimor.

Duke folur për situatën politike, Petritsch thotë se portretizimi i Kosovës me gaz lotsjellës në botë ka zbehur pamjen e një vendi me stabilitet politik.

“Dhuna dhe demokracia janë të pabashkuara. Kosova ka humbur shumë simpati në muajt e fundit. I bashkohem apelit urgjent të demokracisë evropiane, se përdorimi i dhunës psikike, përdorimi i bombave të zjarrit, pengimi brutal i procesit parlamentar janë veprime të dënueshme”, ka thënë Petritsch.

Ai ka folur edhe për ndikimin që mund të ketë përdorimi i dhunës në procesin e liberalizimit të vizave dhe në perspektivën evropiane të Kosovës.

Ambasadori Petritsch ka thënë se liberalizimi i vizave padyshim që është një hap i ardhshëm dhe shumë i rëndësishëm për Kosovën, por ai nuk mund të ndryshojë situatën e të prekurve, derisa nuk do të plotësohen në plotni kërkesat e Bashkimit Evropian.

Petritsch ka thënë se gazi lotsjellës dhe bombat e zjarrit janë duke i trembur qytetarët e BE-së për t’i dhënë mbështetje të plotë liberalizimit të vizave për Kosovën.

“BE-ja do të jetë e hapur për liberalizimin e vizave, në rast se sheh përparim në jetën ekonomike, politike dhe demokratike të Kosovës. Gazi lotsjellës në Parlamentin e Kosovës dhe bombat e zjarrit janë duke trembur shumë qytetarë të BE-së dhe mbështetja për liberalizimin e vizave bie ndjeshëm. Vendimet demokratike duhet të arrihet në mënyrë paqësore. Bombat e zjarrit shkatërrojnë demokracinë e njomë në Kosovë”, ka thënë diplomati austriak për Republika.info.

I pyetur nëse Ballkanit Perëndimor i duhet një evropianizim dhe një perspektivë e përbashkët e anëtarësimit, siç edhe kishte deklaruar më parë, Wolfgang Petritsch ka thënë se Evropa ndodhet në krizën më të madhe që nga fundi i Luftës së Dytë Botërore dhe nevojitet një përpjekje shumë më e madhe për të përballuar këtë krizë me sukses.

“Kjo nuk mund të ndodh nëse i rikthehemi nacionalizmit, në një Evropë ku shtetet dalin kundër njëra-tjetrës. Kjo duhet të ndalet shumë shpejt. Vetëm së bashku ne jemi të fortë dhe të aftë për të përmbushur këtë sfidë historike. Kur them ‘së bashku’, mendoj në të gjitha vendet brenda dhe jashtë BE-së. Prandaj, duhet një angazhim më i madh i BE-së, për përafrimin e shteteve të Ballkanit Perëndimor. Këtë e kam menduar kur kam folur për evropianizim”, ka thënë Petritsch.

Lidhur me dështimin e elitave politike në Ballkan që të modernizojnë shoqëritë e tyre, i pyetur nëse Bashkimi Evropian është platforma më e mirë për të bërë Ballkanin konkurrues me shtete tjera të BE-së, diplomati austriak ka thënë se procesi i integrimit evropian është dashur të përballojë detyra shumë të vështira në të kaluarën.

“Mendoni vetëm në të ashtuquajturën ‘Zgjerimi i Lindjes’, ku praktikisht dhjetë shtete nga Evropa Juglindore janë integruar në strukturat ekzistuese të Brukselit. Jo pa vështirësi, megjithatë me sukses. Kjo arritje, nuk duhet të vihet në pikëpyetje. Të gjitha shtetet e paintegruara, që përbëjnë pothuajse numrin e njëjtë të banorëve me atë të Rumanisë, duhet integrohen përmes një elani të ri politik dhe ekonomik. Por, kjo mund të ndodh nëse elitat politike të këtyre shteteve udhëheqin një evropianizim dhe një politikë për qytetarët: punësim, arsimim, të bazuar në siguri sociale, e cila mund të krijohet nga vetë shtetet e prekura. Deri më tani asistencat e BE-së nuk janë përdorur në mënyrë optimale. Është krijuar përshtypja që njerëzit janë bërë më të varfër, ndërsa politikanët më të pasur. Qytetarët, taksapaguesit në vendet anëtare të BE-së nuk janë më të gatshëm për të mbështetur pafundësisht vendet e Ballkanit, marrë parasysh koston e tejkalimit të krizës së refugjatëve. Është një kohë e vështirë dhe duhet të ndiqet një politikë e ndjeshme për qytetarët”, ka thënë ish i dërguari special i Bashkimit Evropian për Kosovën.

Diplomati austriak Wolfgang Petritsch, për Republika.info ka thënë se BE-ja do të jetë e gatshme të jetësojë kërkesat e miqve të Ballkanit për të përshpejtuar integrimet evropiane vetëm atëherë kur e vëren se qytetarët dhe politikanët e rajonit e dëshirojnë këtë. “Dinamika e anëtarësimit në masë të madhe varet nga vendet e rajonit. Zhvillimi ekonomik duhet të fillojë nga vetë këto shtete. Papunësia, sidomos tek të rinjtë pengon integrimet evropiane”, ka thënë ai.

Petritsch ka thënë se disponimi i vendeve anëtare të BE-së do të ndryshojë përsëri në favor të zgjerimit të mëtejshëm vetëm kur të shihet qartë se ka ndryshime pozitive në luftën kundër varfërisë, papunësisë, korrupsionit në shtetet përkatëse, në të cilat ndryshimi vjen edhe nga vetë populli. /Republika.info/