LAJMI I FUNDIT:

Medalja e Arifit u arrit pas pengesave sportive e politike

Medalja e Arifit u arrit pas pengesave sportive e politike

Orges Arifi ka arritur suksesin më të madh në karate prej se Kosova është pranuar në Federatën Botërore të Karatesë. Arifi fundjavën e kaluar fitoi medaljen e bronztë në kampionatin evropian për juniorë, kadetë dhe karateistë deri 21 vjeç.

Arifi 20-vjeçar është krenar me suksesin e arritur, por po ashtu ndien se është viktimë e rrethanave politike që ishin pjesë e pandashme e evropianit për të rinj që u mbajt në Qipro.

Arifi medaljen e fitoi në luftëra, në kategorinë deri 60 kilogramë për 21-vjeçarë. Mposhti garues nga Hungaria, Greqia, Maqedonia, ndërsa në gjysmëfinale u ndal nga një spanjoll, ndonëse ishte duke udhëhequr 4:1. Në luftë për medalje të bronztë mposhti një gjerman, shkruan sot Koha Ditore.

Në fakt pjesëmarrja e Kosovës ishte në dyshim, pasi autoritetet qipriote kërkuan që kosovarët të garojnë në evropian pa simbole shtetërore. Kjo kërkesë nuk u realizua, por presioni i organizatorit nuk u ndal deri në fund të kampionatit.


"Është medalja më e vlefshme për mua deri më tani, sepse është rezultati më i madh për Kosovën prej anëtarësimit në Federatën Botërore të Karatesë. Natyrisht që jam ende i zhgënjyer, sepse me një këmbë isha në finale, mirëpo gjyqtari kryesor më penalizoi në gjysmëfinale me vërejtjen e katërt vetëm pak sekonda para përfundimit të luftës", ka thënë Orges Arifi në një bisedë për gazetën.

"Mendoj se jam penalizuar me vërejtjen e katërt pa të drejt. Gjyqtari sikur ka pritur për ndonjë veprim timin për të më diskualifikuar. Isha bindshëm më i mirë se spanjolli dhe rezultatin jam i sigurt se do ta mbroja pa asnjë problem deri në fund. Por mendoj se nuk kanë dëshira që Kosova të ketë finalist në këtë kampionat në të cilin ishte e përzier shumë politika dhe me çdo kusht tentohej që të mos intonohej himni i Kosovës", ka shtuar Arifi.

Në evropian u paraqitën 12 karateistë nga Kosova, ndërsa Federata kosovare e karatesë e vlerësoi pjesëmarrjen të suksesshme. Pos medaljes së Arifit u sigurua edhe një vend i pestë, tri vende të shtata dhe një vend i nëntë.

Në trend Sport

Më shumë
Njihuni me lojtarin i cili ishte shumë afër kalimit tek Man Utd, por u qëllua me armë në kokë

Njihuni me lojtarin i cili ishte shumë afër kalimit tek Man Utd, por u qëllua me armë në kokë

Premier League
Carragher tregon tri pozitat që Liverpooli duhet t’i përforcojë pas fitores ndaj Man Cityt

Carragher tregon tri pozitat që Liverpooli duhet t’i përforcojë pas fitores ndaj Man Cityt

Premier League
Legjenda gjermane mbështet Real Madridin për ta eliminuar Atletico Madridin nga Liga e Kampionëve

Legjenda gjermane mbështet Real Madridin për ta eliminuar Atletico Madridin nga Liga e Kampionëve

Liga e Kampionëve
Zhegrova thotë se e ka njoftuar Lillen që nuk do ta vazhdojë kontratën – ai flet edhe për ndeshjen e marsit me Kosovën

Zhegrova thotë se e ka njoftuar Lillen që nuk do ta vazhdojë kontratën – ai flet edhe për ndeshjen e marsit me Kosovën

Ligue 1
Ish-lojtari i Barcelonës e thotë hapur: Real Madridi është ekipi më i mirë në botë

Ish-lojtari i Barcelonës e thotë hapur: Real Madridi është ekipi më i mirë në botë

La Liga
Mikel Arteta zbulon se kush është fajtori për humbjen zhgënjyese të Arsenalit ndaj West Hamit

Mikel Arteta zbulon se kush është fajtori për humbjen zhgënjyese të Arsenalit ndaj West Hamit

Premier League
Kalo në kategori