Misiri po kultivohet edhe për nevojat e tregut

Shumë fermerë duke parë leverdinë e kultivimit të perimeve në vend, kanë filluar nga kultivimi i tyre për nevoja familjare të kultivojnë edhe për tregun vendor. Ata tregojnë se tashe disa vite në vazhdimësi janë duke i shtuar sipërfaqet. Madje, në mesin e kulturave të kultivuara është edhe kungulli i misirit, i cili deri vonë është mbjellur vetëm për nevoja familjare dhe në sipërfaqe tejet të vogla.

Beqir Zeqiri nga fshati Budrigë i Komunës së Vitisë, duke e parë leverdinë e kultivimit të perimeve të ndryshme planifikon rritjen e sipërfaqeve. Ai thotë se përveç kultivimit të misirit për nevoja familjare, nga viti 2015 do të fillojë të kultivojë edhe për treg. “Sivjet kam të kultivuar një sipërfaqe prej 5 ari me misir, vetëm për nevoja familjare. Por duke e parë se ka leverdi dhe treg për të, nga viti iardhshëm do t’i rrisë sipërfaqet dhe do të mbjellë disa ari me misir në mënyrë që të dal me këtë produkt bujqësor edhe në treg”, tha Zeqiri.

Ai thekson se po tëkishtepërkrahje nga Komuna e Vitisë, Qeveria e Kosovës apo ndonjë organizatë ndërkombëtare e cila përkrah bujqësinë në vend, do të rriste sipërfaqet dhe llojllojshmërinë e sipërfaqeve të kultivuara.

Edhe Hysni Mustafa nga Bajska e Vushtrrisë, kultivon misirin. Ai tregon se edhe nga kjo kulturë sikurse nga perimet e tjera ka leverdi. Fermeri Mustafa me punën që bënë në bujqësi mbanë katër anëtarët e familjes.“Me kungull misiri kam të kultivuara 20 ari, deri më tani jam i kënaqur me kultivimin e tyre pasi që janë duke u rritur mirë. Pres që në fund të arrijë që të kem një rendiment të mirë të tyre”, tha Mustafa.

Ai thekson se pas një punë që ka bërë në rritjen e misirit, pret që edhe tregu të mos mungojë për ta pasi që ka shitur edhe viteve të kaluara.Ky fermerë nga Vushtrria kërkon që të rritet më shumë përkrahja për fermerët e po ashtu të përkrahen dhe me sistem të ujitjes.

Ndërkaq, sipas të dhënave zyrtare në vendin tonë me kungull brenda një viti mbillen rreth 35 hektarë deri sa prodhimtaria vjetore e tyre shkon në mbi 430 tonë.

Ndryshe përkrahje për kultivimin e perimeve vazhdimisht është duke dhënë Ministria e Bujqësisë, e cila edhe sivjet për çdo hektarë të mbjellë me perime ka ndarë nga 300 euro për hektarë. /Fermaime/Telegrafi/