Dogana dhe Administrata Tatimore e Kosovës janë dy institucione nga të cilat varet mbushja e buxhetit të shtetit. Kjo mënyrë e mbledhjes së të hyrave konsiderohet se nuk është njëra nga format më të mira, por që aktualisht është zgjidhja e vetme.
Sipas ministrit të Financave, Avdullah Hoti, Dogana e Kosovës vitin 2015-të ka përmbyll me të hyra për 9 për qind më shumë se në vitin 2014-të. Ndërsa ATK-ja ka realizuar 12 për qind më shumë të hyra se sa në vitin 2014. Ndërsa, për nëntë muaj të vitit 2015, Qeveria ka shpenzuar 1,025.81 euro, apo 6 për qind shpenzime më shumë se sa në nëntëmujorin e vitit 2014.
“Sivjet të hyrat do të jenë 9 për qind më të larta në dogana krahasuar me vitin e kaluar dhe 12 për qind nga Administrata Tatimore e Kosovës krahasuar me vitin e kaluar. Ne sivjet mbledhin 113 milionë euro më shumë se sa që kemi mbledhur vitin e kaluar. Në këtë rritje doganat e Kosovës kontribuojnë me 77 milion euro , pra prej një rritje që ka qenë vetëm 34 milionë euro në vitin 2014 “, ka thënë Hoti gjatë raportimit të fundvitit.
Ndërsa , drejtori i Doganave të Kosovës, Lulzim Rafuna është zotuar se do të përmbush projeksionet e të hyrave. Sipas tij për vitin 2015 është planifikuar të ketë rreth 946 milionë euro. “Deri më sot, ne kemi arritur që te kemi 928 milionë të hyra të mbledhura…Pritjet tona janë që deri në fund të vitit sa na kanë mbetur 4 ditë, ne do të arrijmë projeksionet do ta tejkalojmë realizimin e të hyrave”, tha Rafuna.
Zyrtarët e ATK-së, nuk kanë pranuar të japin përgjigje për realizimin e të hyrave. Por bazuar në raportin e nëntëmujorit të Ministrisë së Financave, ATK gjatë nëntëmujorit të vitit 2015 ka arkëtuar të hyra në vlerë prej 246.20 milionë euro. Në krahasim me periudhën e njëjtë të vitit të kaluar praqet një rritje prej 11%.
Ndërsa sipas raportit të fundit të Bankës Qendrore të Kosovës, të hyrat buxhetore deri në shtator 2015 arritën vlerën bruto prej 1.066 miliardë euro. Në të njëjtën periudhë,sipas BQK-së, shpenzimet buxhetore arritën vlerën prej 1.038 miliardë euro që paraqet rritje prej 6.1 për qind krahasuar me periudhën e njëjtë të vitit 2014. Rrjedhimisht, gjatë kësaj periudhe, buxheti i Kosovës regjistroi bilanc të përgjithshëm pozitiv prej rreth 790 mijë euro krahasuar me bilancin e përgjithshëm negative prej 14.84 milionë euro në periudhën e njëjtë të vitit të kaluar.
Sa i përket shpenzimeve, pagat e mëditjet dhe subvencionet e transferet shënuan rritje krahasuar me periudhën e njëjtë të vitit 2014 ndërsa shpenzimet kapitale dhe mallrat e shërbimet shënuan rënie. Investimet kapitale, të cilat deri në shtator të vitit 2015 përfaqësuan rreth 2 0.5 për qind të gjithsej shpenzimeve, u zvogëluan në 212.8 milionë euro nga 222.2 milionë euro që paraqet rënie prej 4.2 për qind.
Shpenzimet qeveritare për mallra dhe shërbime kanë shënuar rënie për 5.6 për qind dhe kanë arritur vlerën prej 114.1 milionë euro. Në anën tjetër, shpenzimet qeveritare për paga dhe mëditje kanë shënuar rritje prej 9.1 për qind dhe kanë arritur vlerën prej 389.9 milionë euro. Subvencionet dhe transferet po ashtu kanë shënuar rritje për 16.3 për qind dhe kanë arritur vlerën prej 292.4 milionë euro. Rritja e këtyre dy kategorive , sipas vlerësimeve të BQK-së, në krahasim me vitin e kaluar i atribuohet faktit se vendimi i qeverisë për rritjen e pagave dhe pensioneve i vitit të kaluar ka filluar të zbatohet pas tremujorit të parë të vitit 2014.
Borxhi publik, deri në shtator 2015, ka arritur në 719.5 milionë euro nga 550.9 milionë euro sa ishte në shtator 2014, ndër sa si përqindje e PBB-së ka arritur në rreth 12.5 për qind nga 10.2 për qind sa ishte në vitin paraprak. Kjo rritje e borxhit publik i atribuohet kryesisht rritjes së borxhit të brendshëm prej 51.0 për qind i cili ka arritur në 352.3 milionë euro, ndërkohë që edhe borxhi i jashtëm ka shënuar rritje të konsiderueshme prej 15.6 për qind duke arritur në 367.2 milionë euro. /Telegrafi/
Promo
Reklamo këtuLufta Prigozhin - Putin
Më shumëNga Rubrika
Lansohet aplikacioni më i ri i lojalitetit që sjell t’mira pafund Kartela Plus!
Të bashkuar në luftën kundër kancerit: Gratë e Kosovës morën kontroll falas për kancerin e gjirit në Albi Mall
Frymëzimi për sukses: Gent Shala dhe Tiziano Benvenuti – fjalimet që nuk duhet t’I humbisni!
India, anëtare e BRICS refuzon de-dollarizimin - përqafon dollarin amerikan
Pensioni bazik rritet në 120 euro, i kontributpaguesve deri në 318 euro - ja nga sa do të marrin pensionistët pas rritjes prej 20 për qind
Meritaterm vazhdon kampanjën me super zbritje prej 33% për pompën termike më të mirë në treg, Toshiba
Foleja Home: Produkte cilësore dhe moderne për shtëpinë dhe zyren tuaj
Kjo është super platforma për menaxhimin e procesit të dhënies dhe marrjes me qera të veturave
Vezët Bio REA-s: Zgjedhje e shëndetshme për familjen tuaj
104.5m² komfort – Banesë luksoze me pamje tërheqëse për zyret e juaja
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Atletet e famshme Reebook vijnë me zbritje t’hatashme
Kreativiteti i fëmijëve tuaj fillon me këtë tabelë të zezë nga Vitorja – Përfitoni 20% zbritje ekskluzive
A don me u dok si zotni këtë sezon të dasmave?
Kompletoje look-un me 50% zbritje
Rahatoj kamt’ qysh është ma s’miri këtë verë
Më të lexuarat
Arda Guler nga Turqia i dërgon mesazh Carlo Ancelottit për minutazhën te Real Madridi
Çfarë janë uraganet, sa të rrezikshëm janë dhe çfarë mund të ndihmojë në zbutjen e dëmeve?
Mbi 160 mijë euro, 696 kilogramë mjaltë e 250 kilogramë fasule ia gjejnë në shtëpi – Policia arreston të dyshuarin në Ferizaj për kontrabandë e tregti të ndaluar
Pamje nga vizita e Jakup Krasniqit te varri i vëllait, më pas i takon familjarët në fshatin e tij
Kaloi 50 mijë konkurrentë në audicion - kush është Nora Tushi, shqiptarja që po mahnit jurinë gjermane
Berisha: Do të dalin audio-incizime të tjera, do të na vijë turp