“Big Brother” përjashton nga shtëpia Edisonin

Edisoni është përjashtuar nga shtëpia e Big Brother vetëm disa ditë pasi ka nisur aventurën e tij në shtëpinë e famshme, raporton Telegrafi.

Largimi i tij, që u konfirmua përmes njoftimit të zëshëm të “vëllait të madh” në shtëpi, është bërë për shkak të një kërcënimi që ai i bëri një banori tjetër aty, Sokolit.

Edisoni fillimisht ishte paralajmëruar se një vendim i saktë rreth tij dhe Sokolit do të merret së shpejti, por ai kishte kërkuar që vendimi të ishte i menjëhershëm.

“Banorë!

Në këtë shtëpi janë thyer rregullat.

Edisoni i vuri kushte Big Brother-it.

Big Brother mori një vendim.

Edisoni nuk është më banor i Big Brother.

Deri në një vendim të dytë shtëpia ka vetëm një lider, ajo është Zaida”.

Pas largimit, banorët kanë debatuar nëse dalja e tij ishte e nevojshme ose jo, me Zaidan, që mendon se Edisoni u provokua nga Sokoli dhe kjo bëri që ai ta kërcënonte.

Kujtojmë se rregullat e shtëpisë së famshme ua ndalojnë banorëve që të ushtrojnë dhunë fizike, verbale, të kërcënojnë apo t’i kanosen njëri-tjetrit.  /Telegrafi/