Miriami është shtatzënë, Albani do të bëhet baba

Çifti i famshëm i skenës shqipe, Alban Skënderaj dhe Miriam Cani, janë në pritje të fëmijës së parë.

Dy këngëtarët janë në lidhje qe një kohë të gjatë dhe tashmë janë të fejuar, mirëpo gjithmonë  kishin shtyrë marrjen e vendimit për t’u martuar.

Megjithatë, para se t’i shkëmbejnë betimet, ata kanë marrë një lajm të gëzueshëm se do të bëhen prindër. Kolegët e tyre tashmë kanë filluar t’i urojnë për këtë lajm.

Bleona Qereti (e cila është pjesë e panelit të ‘X Factor’ së bashku me çiftin e njohur) me shaka e ka falënderuar Pandi Laçon që e kishte paralajmëruar të kishte kujdes nga karrigia e Nora Istrefit “mbasi ishte karrigia e shtatzënisë”.

“Duket qartë tashmë që ma kanë bërë me hile dhe ma kanë ndërruar karrigen me Miriamin. Urime nga thellësia e zemrës për Mirima Canin dhe Alban Skënderajn për ardhjen e foshnjës së tyre”, ka shkruar Bleona.

Të bëhesh prind, është bekim… Sado i realizuar të jesh, fëmija është dashuria më e bukur dhe nuk ka të krahasuar me tjetër dashuri. Sapo mora vesh lajmin e bukur për ju, Miriam Cani e Alban Skënderaj. E lumtur për ju të dy. Miriam, paç një shtatzëni të mbarë e qofshi mirë bashkë me bebin. Urime për çdo çift që pret fëmijë…. Bekim për ju”, ka shkruar Aurela Gaçe. /Telegrafi/