Po i mungon diçka Teas dhe Xhensilës

Xhensila është duke ngrënë drekë, ndërsa Tea është duke larë enët në “Big Brother Albania 8”.

Xhensila thotë se i mungon Fisniku. Tea reagon me një psherëtimë dhe thotë se ajo ia ndjen mungesën shumë në darkë sepse e puthte gjithmonë përpara se të flinte gjumë.

Xhensila i thotë Teas se Fisniku i ka lënë shumë boshllëqe. Tea e pranon këtë gjë sepse ajo kalonte pothuajse të gjithë kohën brenda shtëpisë me të dhe po pret që ta takojë jashtë. Xhensila do të dijë nëse tani që ai është larguar, Tea ka kuptuar diçka më shumë për ndjenjat e saj ndaj tij. Tea thotë se është e njëjta gjë, e njëjta ndjenjë, thjesht miqësi.

Tea sqaron Xhensilën se mbas daljes së Fisnikut nga shtëpia e përjetoi shumë keq dhe ndihej në faj se mbase ai u penalizua nga situata me Veselin. Është ndjerë nervoze këto ditë por nuk e ka kuptuar pse.

Xhensila i thotë se ajo gjithmonë ka kërkuar të flasë me të kur ka qenë e ngarkuar. Tea i thotë se nuk i është afruar Xhensilës sepse i është dukur se ajo këto ditë është larguar dhe ka pritur që t’i afrohet Xhensila.

Tea i tregon se sjellja e saj është pasqyrë e mërzitjes që ka ndjerë pasi është larguar Fisniku. Xhensila i vë dukje se kjo sjellje e Teas në raport me banorët e tjerë është e gabuar. Biseda e të dy vajzave është e hapur dhe arrin t’i sqarojë pozicionet e të dyjave.