De Generes di edhe të imitojë (Video)

Për që është e zonja si aktore dhe prezantuese televizive tashmë është e ditur, por Ellen Degeneres si duket di edhe t’i imitojë disa prej personave, të cilët i ka intervistuar ndër vite në emisionin e saj “The Ellen DeGeneres Show”.

57-vjeçarja nga mbrëmë qe e ftuar në emisionin “The Tonight Show Starring Jimmy Fallon”, ku u bë pjesë e lojës së njohur “Lip Sync”, me ç’rast prezantuesi i shout, Fallon konkurron me të ftuarit e tij në betejën e imitimit të këngëve të disa prej yjeve më të njohur të muzikës. Por, kësaj radhe, Jimmy mbeti i befasuar me aftësitë e Ellen-it, e cila i solli publikut shumë të qeshura dhe si rezultat e fitoi këtë betejë. E kush tjetër mund ta shpallte fituese më mirë se miku i saj dhe artisti i njohur mbarë botëror Justin Timberlake.

Ellen në këtë lojë i imitoi dy këngëtare, Diana Ross dhe Rihana. Fillimisht ajo e interpretoi këngën e njohur të Ross-it, “Do You Know Where Your Gong To”, por ishte hiti i fundit i Rihannas, “Bitch Better Have My Money,” ajo e cila e vulosi fitoren e saj.

Edhe Jimmy shkaktoi të qeshura në publik, me interpretimin e këngës së dytë “Watch me”, nga artisti i ri në skenën muzikore Silento. Ai madje i kishte mësuar disa prej hapave origjinal të vallëzimit nga videoklipi i kësaj kënge dhe kështu e interpretoi këngën sikur të ishte një hip hop artist i vërtetë. /Telegrafi/