Një pjatë e shijshme dhe e ushqyeshme, plot kalori
Për 4 persona:
* 4 bërxolla lope
* 100 ml shtalpë
* 5 kastravecë turshi
* 2 vezë të ziera
* 2 thelpinj hudhër
* 50 gr gjalpë
* 1 lugë kafeje piper i kuq
* 2 lugë erëza të përziera
* 150 gr kajmak
* 2 lugë salcë domatesh
* 1 pako pure
* 300 ml qumësht
* vaj, kripë dhe piper i zi
Përgatitja:
I rrahim bërxollat me çekiç druri dhe hedhim mbi to erëza të përziera, kripë dhe piper të zi. Bërxollat i skuqim në vaj dhe gjalpë. Pastaj, në të njëjtën yndyrë e skuqim hudhrën e grirë. Hedhim piper të kuq, një lugë kafeje erëza të përziera dhe rreth 100 ml ujë.
Në tigan, me rende i grijmë vezët e ziera. Pastaj, në tigan i kthejmë bërxollat e skuqura. E mbulojmë tiganin me kapak. Pas një kohe, bërxollat i kthejmë nga ana tjetër. E shtojmë shtalpën dhe kastravecët turshi, të prera në copë të holla e të gjata.
Në tenxhere në zjarr e hedhim qumështin, e shtojmë kajmakun dhe hedhim një lugë kafeje erëza të përziera. Pastaj, e shtojmë pluhurin për pure. Përziejmë me lugë dhe e shtojmë salcën e domates. I grijmë bishtat e qepës së njomë dhe i shtojmë në tenxheren me pure.
Në pjatën për servirje vëmë dy gjethe sallate të gjelbër. Sipër tyre e vëmë purenë. Në anën tjetër të pjatës i rendisim bërxollat shkallë-shkallë. Sipër vëmë nga përmbajtja nga tava.
Zbukurojmë me një degë majdanozi.
Ju bëftë mirë! – transmeton Telegrafi.
Lufta Prigozhin - Putin
Më shumëInvestoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
UEFA zbulon lojtarin më të shpejtë për këtë edicion në Ligën e Kampionëve
Zyrtare: Bundesliga me pesë skuadra në Champions duke iu falënderuar Dortmundit
A di të ndalet ky Ronaldo? Çfarë goli me këmbën e majtë
Mohamed Salah thyen heshtjen në rrjetet sociale pas përplasjes që kishte me Jurgen Klopp
Të gjithë po pyesin për ritualin e Bellingham para çdo ndeshjeje – anglezi shpjegon përse e bën
Bajrami: Jam i gatshëm ta ndihmoj Kurtin në procesin e Asociacionit