Nga vetë natyra kureshtare e maceve, ato mund t'i gjesh kudo. Pavarësisht nëse ju mendoni se sa mirë e keni pastruar shtëpinë apo sa të shëndetshme janë kafshët e tjera, macja juaj mund të ekspozohet ndaj sëmundjeve kërcënuese për shëndetin.
Vaksinat nuk janë 100% efektive, por ato do t’i japin maces suaj një nivel të kënaqshëm mbrojtjeje kundër sëmundjeve të maceve. Prandaj, duhet kuptuar se, vaksinat, nuk janë një kurë, por parandalim.
Vaksinimi kundër lisë
Panleukopenia (lija e maceve) është një sëmundje serioze, vdekjeprurëse, që transmetohet lehtësisht. Ashtu si fëmijëve, edhe maceve u nevojitet mbrojtje kundër lisë. Vaksinimi kryhet me dy doza. Macja duhet ta marrë dozën e parë të vaksinës kur është 8-javëshe dhe vaksinën e dytë pas 3-4 javësh.
Më pas, vaksina përsëritet një herë çdo vit. Këto lloj vaksinash përmbajnë edhe agjentë parandalues për sëmundje të tjera (vaksina polivalente).
Vaksinimi kundër tërbimit
Tërbimi është një sëmundje vdekjeprurëse, që prek çdo gjitar, duke përfshirë edhe njeriun. Kotelja duhet ta marrë dozën e parë të vaksinimit kur është 4-muajshe. Pas kësaj ajo duhet të marrë një dozë pas një viti. Rivaksinimi më pas do të kryhet çdo 3 vjet.
Vaksina e tërbimit, kur nuk ka të përfshirë agjentë të tjerë, është vaksinë monovalente.
Parazitët e jashtëm
Pleshtat dhe rriqrat ushqehen me gjakun e kafshëve, sikurse dhe të maces, duke dhënë probleme si, dermatite, transmetimin e parazitëve të tjerë të traktit tretës (krimba) apo anemi.
Kur ju të filloni trajtimin e maces tuaj me antiparazitarë, duhet të kini parasysh se do t’ju duhet t’i trajtoni të gjitha kafshët që keni në shtëpi. Kështu, koha, mundimi dhe paratë, nuk do t’ju shkojnë dëm.
Nëse një mace tund kokën shpesh dhe kruan veshët, atëherë ajo mund të ketë morra veshësh. Ato transmetohen nga macja në mace. Veterineri juaj disponon medikamente shumë efikase kundër këtij paraziti.
Juve do t’ju duhet ta trajtoni macen tuaj 3 herë, veçanërisht në moshën 2-javëshe dhe pastaj çdo dy muaj, deri në moshën 6-mujore. Pas kësaj moshe, trajtimi kryhet çdo 3-6 muaj, sipas mundësisë. Dehelmintizimi (trajtimi ndaj parazitëve të traktit tretës). Koteleve u nevojitet një ose dy dehelmintizime.
Krimbat kalojnë tek macja nëpërmjet qumështit të nënës. Në moshën 6-javëshe veterineri mund t’i japë maces një dozë medikamenti antiparazitar dhe kjo duhet të ndiqet me një dozë të dytë, pas 2 javësh. Për t’u siguruar se macja është “pastruar” nga krimbat, do të ishte i nevojshëm një kontroll feçesh nga mjeku.
Nëse edhe pas dehelmintizimit fekalet e koteles janë të brumëta, kanë mukus ose gjak në to, kemi të bëjmë me parazitë të tjerë, si koksidiet. Ju duhet ta çoni macen tek veterineri për trajtim. Parazitë të ndryshëm kanë trajtim të ndryshëm. /Telegrafi/
Promo
Reklamo këtuLufta Prigozhin - Putin
Më shumëSeksi më i mirë: pozat për orgazëm të sigurt dhe intensiv
Ushqimi ideal para dhe pas ushtrimeve
Videoja e kësaj shtëpie u shikua miliona herë - nga jashtë duket si më e ngushta në botë, por brenda është thjesht një tronditje e vërtetë
Gjashtë fazat e të fjeturit me partnerin
A e dini se çfarë kuptimi ka simboli i "fluturës" në makinën larëse – pyetja ka nxitur debat të madh në internet
Si ta hapni derën me ndihmën e kapëseve të flokëve për vetëm 60 sekonda (Video)
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
UEFA zbulon lojtarin më të shpejtë për këtë edicion në Ligën e Kampionëve
Zyrtare: Bundesliga me pesë skuadra në Champions duke iu falënderuar Dortmundit
A di të ndalet ky Ronaldo? Çfarë goli me këmbën e majtë
Mohamed Salah thyen heshtjen në rrjetet sociale pas përplasjes që kishte me Jurgen Klopp
Të gjithë po pyesin për ritualin e Bellingham para çdo ndeshjeje – anglezi shpjegon përse e bën
Bajrami: Jam i gatshëm ta ndihmoj Kurtin në procesin e Asociacionit