Studimi, i publikuar në revistën Nature, do të duhej të zgjidhte vite të tëra të debatit për atë se si e percepton truri shijen.
Ekipi i Universitetit Kolumbia tregoi se sensorë të veçantë të shijes në gjuhë e kishin një partner që përputhet në tru. Shkencëtarët shpresojnë se gjetjet mund të përdoren për të ndihmuar në kthimin e humbjes së ndjesisë së shijes tek të moshuarit.
Shijimi i së ëmblës vetëm me majë të gjuhës është mit. Secila prej rreth 8,000 sythave të shijes të shpërndara mbi gjuhë është e aftë që ta ndiejë suitën e plotë të shijeve. Por qelizat e specializuara brenda sythave janë të konfiguruara ose për shijen e njelmët, të hidhur, të thartë, të ëmbël.
Kur e zbulojnë sinjalin, një mesazh i dërgohet trurit. Megjithatë, se si merret truri me këtë informacion ende diskutohet.
Llogaritja e shijes
Një ekip në Universitetin e Columbias ka inxhinieruar minj ashtu që neuronet e tyre të shijes të lëshojnë dritë kur të aktivizohen. Kafshët u ushqyen me kimikate për të shkaktuar reagim të njelmët, të hidhur, të thartë ose umami në gjuhë dhe hulumtuesit e monitoruan ndryshimin në tru.
Ata e gjetën një lidhje gjenetike midis gjuhës dhe trurit. Prof. Charles Zuker tha për faqen e internetit të BBC News: “Qelizat janë të konfiguruara në mënyrë të përkryer për t’i fshehur cilësitë individuale të shijes, kështu që e keni një përputhje shumë të mirë në mes të natyrës së qelizave në gjuhën tuaj dhe cilësisë që e përfaqësojnë ato në tru.”
Kjo e neutralizon idenë alternative se qelizat e trurit reagojnë ndaj shijeve të shumta. Pandat evoluan nga arinjtë mishngrënës për të ngrënë bambu – ata e kanë humbur aftësinë për të shijuar umami, shijen e këndshme të mishit.
Macet, nga ato të mëdhatë dhe të egrat në kafshë shtëpiake, nuk hanë ëmbël – ato janë mishngrënës, prandaj përqendrohen në shije te tjera. Lakuriqët vampirë janë nga speciet e rralla që e kanë reduktuar umamin, shijet e ëmbla dhe të hidhura – dieta e tyre me gjak e kufizon ekspozimin e tyre ndaj shijeve të tjera.
Përfitimi i të moshuarve
Prof. Zuker thekson: “Në popullsinë e moshuar, ata nuk kënaqen shumë me ushqimin, nuk mund të besoni dot se sa e keqe është kjo. “Ne besojmë se ky është një reflektim i qelizave të shijes në gjuhë.” Qelizat burimore në gjuhë prodhojnë qeliza të reja të shijes çdo dy javë. Megjithatë, ky proces bëhet më i dobët me moshën.
Sidoqoftë, rezultatet nuk kanë të ngjarë të ndihmojnë në gjetjen e mënyrave për t’i inkurajuar fëmijët që t’i hanë perimet.
Pesë shijet vijnë me lindje dhe nuk mësohen, dhe e hidhura është sinjal që diçka mund të jetë toksike.
Fëmijëve, natyrisht, u pëlqen shija e kalorive, kryesisht sheqeri, dhe mënyra e vetme për t’i ndryshuar shijet është me kalimin e kohës. “Jepni një fëmije sheqer dhe ai buzëqesh, jepni kininë dhe ai vrenjtet. Por, më jepni mua ujë tonik dhe më pëlqen, mua më pëlqejnë shijet ekstreme,” tha prof. Zuker. /Telegrafi/
Promo
Reklamo këtuLufta Prigozhin - Putin
Më shumëNga Rubrika
Kapsllëku mund të ndikojë në zhvillimin e problemeve të zemrës: Në çfarë rreziku janë njerëzit me tension të lartë
Gjashtë shenja që tregojnë se duhet të shqetësoheni për shëndetin tuaj mendor
Kujdes kur bëni këto aktivitete, mund të pësoni atak në zemër
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Çfarë tregonte harta dhe ‘plani i Netanyahu për Gazën’?
Çanak: Sulmi në Banjskë, fundi i luftimeve midis Serbisë e Kosovës
Kush i fiton zgjedhjet parlamentare të 9 shkurtit, komentojnë analistët
Çfarë kërkoi Rabiot që frikësoi Juventusin, Milanin dhe klubet në Turqi
Zbulohen top 10 lojtarët më të paguar te Man United - dominohet nga "dështakët"
San Marino merr fitoren e parë pas më shumë se 20 vitesh