Ngjyra çokollatë, mania e sezonit

Nëpër qendrat e estetikës tashmë është bërë normale që të kërkohet vetëm trajtim me rreze solare, megjithë këshillat që japin mjekët, për të shmangur ekspozimin ndaj rrezeve.

Të paktën ky është mendimi i mjekëve, transmeton Telegrafi, ndonëse nëpër qendra estetike këmbëngulin se këto rrezatime janë të sigurta, bëhen nën kontroll, nuk dëmtojnë lëkurën dhe garantojnë një ngjyrë perfekte, të njëtrajtshme, të cilën mund ta sigurosh vetëm nëse shkon disa ditë në plazh.

Cili është rreziku i një ekspozimi të tepërt në seancat e solarëve?
Nëse ekspozimi është i tepërt, p.sh. për shkak të trajtimit të gjatë, në lëkurë dhe në sy të pambrojtur mund të shfaqen probleme në lëkurë, si p.sh. skuqje lëkurës dhe inflamacione të syve.

Këtu ndikojnë mjaft faktorë, që nga karakteristkat teknike dhe cilësia e aparatit të rrezeve, tek fotondjeshmëria individuale dhe profesionaliteti i estetëve. Gjithsesi, çdo metodë shkakton probleme në lëkurë, pavarësisht nëse është rreze artificiale apo natyrale.

Tridhjetë minuta seancë solare, janë të barabarta me një ditë plazh. Në këtë mënyrë, lëkura bombardohet me sasi rrezesh UVA, të barabarta me dy-tre herë më të forta se drita e diellit natyrale. Kështu që në plazh kujdesi dhe mbrojtja e lëkurës nuk duhet të neglizhohet, pavarësisht bazës së errët që mund të ketë marrë lëkura juaj. /Telegrafi/