Zbulohet “nervi i dashurisë”

Shkencëtarët thonë se kanë zbuluar nervin e ri “të dashurisë”, i cili është i lidhur me ndjenjat romantike të njeriut dhe me shqetësimet seksuale.

Përcaktimi i definicionit të dashurisë është preokupim kryesor i shumë artistëve e shkencëtarëve. Ajo që s’u ka shkuar për dore shumë poetëve ndoshta do t’u ketë sukses hulumtuesve suedezë e kanadezë.

Hulumtuesit shkencorë nga Suedia dhe nga Kanadaja e kanë testuar teorinë e tyre në një femër e cila i kishte humbur të gjithë receptorët për prekje në trupin e saj. Ata patën sukses t’i stimulojnë nervat e saja CT dhe të përcjellin reagimet e trurit të saj. I kanë stimuluar nervat që gjendet në supe dhe në pjesët e poshtme të duarve. Ajo kishte ndjerë marramendje të lehtë, por edhe kënaqësi.

Kur ia kanë stimuluar shuplakat, për të cilat është karakteristike mungesa e fijeve CT, ajo nuk ishte në gjendje të ndjejë asgjë. Skaneri tregonte se gjatë testit paraprak se janë ngacmuar mu ato pjesë të trurit të cilat kanë për obligim emocionet.

Shkencëtarët kanë zbuluar se fijet CT ndryshojnë shumë prej receptorëve të tjerë për prekje, për shkak se më parë reagojnë ndaj prekjeve të buta se sa në shtypje të fortë dhe në vibracione. Rezultatet e hulumtimeve janë botuar në revistën Nature Neuroscience. /Telegrafi/