Depresion apo ndikim i hormoneve!?

Keni lindur, e ende nuk u është zgjuar instinkti i nënës? Ndjeni pikëllim, ju mungon interesi për gjërat përreth? Mos bëni panik, nuk do të thotë se vuani nga depresioni i paslindjes.

Ndryshimet hormonale që ndodhin pas lindjes së foshnjës, dhembja dhe stresi psikik nga lindja, lodhja dhe pagjumësia – të gjitha këto tek nënat e reja mund ta nxisin ndjenjën e pikëllimit, frikës, mundit dhe konfuzionit. Nënat shpesh e ndryshojnë disponimin, që shkon prej një skajshmërie në skajshmëri tjetër, prej gjendjes euforike në gjendje të apatisë së plotë dhe humbjes së vullnetit.

Megjithatë, nëse këto nuk ndalen brenda periudhës një deri dy mujore, e madje nëse përkeqësohen, fjala është për depresion pas lindjes. Simptomat paraqiten 4 deri 8 javë pas lindjes.

Kryesisht janë simptoma të njëjta me depresionin e vërtetë, mungesë e energjisë, motivimi, çrregullimi i metabolizmit dhe i gjumit, mungesa e interesit për aktivitet seksual, ndjenja e mos mundësisë për tu ballafaquar me kërkesat e rrethit, ngacmueshmëria, ndjenja e të ardhurit për të qarë. Nëse këtyre u bashkohen edhe mungesa e dëshirës për tu kujdesur për fëmijë dhe ndjenja e fajësisë për këtë gjë, është koha e duhur ta vizitoni mjekun. /Telegrafi/