Kaloritë nga shamponët ju bëjnë me mbipeshë

Shkencëtarët amerikanë thonë se shumë njerëz nuk mund t’i eliminojnë kilogramët e tepërt për shkak të substancave kalorike që janë të pranishme në produktet kozmetike, shamponët, losionet për trup dhe sapunët të cilët ata i përdorin.

Hulumtuesit pranë Qendrës mjekësore Mount Sinai në New York kanë vërtetuar se ftalatet (substanca kimike përbërëse të 70 për qind të produkteve kozmetike, si dhe shumë preparateve tjera për pastrim) janë përgjegjëse për çrregullimin e sistemit natyror të kontrollimit të peshës trupore, baraspeshës delikate të hormoneve dhe kondicionit trupor.

Nëse fëmijët janë të ekspozuar ndaj ftalateve, rreziku për mbipeshë në fëmijëri është shumë i lartë, sikurse edhe rreziku për probleme me peshën në të ardhmen- pohojnë ekspertët.

Substanca tjetër, bisfenol A (po ashtu e pranishme në preparatet e përmendura më lartë), gjithashtu përmban substanca kalorike.

Fakti që organizmi i absorbon këto substanca, paraqet një shqetësim të madh. Ato ndikojnë negativisht në gjëndrat dhe hormonet, të cilat rregullojnë një numër të madh të funksioneve trupore. /Telegrafi/