Bakteret në ushqim- miq të shëndetit?

A e dini se në trupin njeriut gjenden miliarda mikroorganizma? Pjesën më të madhe të tyre e përfaqësojnë bakteret, të cilat ndodhen në zorrë, ndërsa janë më të shumta se qelizat njerëzore.

Nga kjo mund të konkludojmë se jemi më shumë baktere sesa njerëz. Bakteret kanë role të ndryshme në organizmin tonë, që nga tretja e ushqimit e deri te mbrojtja nga patogjenët që shkaktojnë sëmundje.

Një studim i shkencëtarëve francezë, ka zbuluar se ushqimi përcakton llojin e baktereve që zhvillohen në zorrët tona. Kështu, bakteret nga zorrët e japonezëve dallojnë nga bakteret e banorëve të SHBA-ve.

Duke qenë se gjeneratat në Japoni me mijëra vite kanë konsumuar alga, ka ardhur deri të trashëgimi i materialit gjenetik, me ç’rast bakteret e tyre e kanë zhvilluar aftësinë për tretjen e algave dhe me sukses kanë përparuar në organizmin e njeriut.

Shkencëtarët thonë se në kohën e tashme, ushqimi përmban shumë më pak baktere për shkak të shkallës së lartë të higjienës. Edhe pse higjiena më e mirë e ka zvogëluar shpeshtësinë e paraqitjes së sëmundjeve të ndryshme, ushqimi steril megjithatë ndërron përbërjen mikrobiologjike të organizmit që mund të ndikojë në shëndet. /Telegrafi/