Në Qendrën e Telemjekësisë së Kosovës (QKT) u mbajt ceremonia e ndarjes së certifikatave për pjesëmarrësit e ligjëratave të programit të Edukimit të Vazhduar Profesional në distancë, të realizuar në Qendrën e Telemjekësisë së Kosovës.
Në këtë ceremoni, përveç zyrtarëve të Ministrisë së Shëndetësisë, përfaqësuesve të divizionit shëndetësor të kampit amerikan Bondstill , përfaqësuesve të qendrave rajonale të Telemjekësisë në Kosovë, virtualisht, përmes video-konferencës të pranishmevë drejtpërdrejtë nga Universiteti i Arizonës në Tucson ( Arizona-SHBA) u është drejtur promotori i këtij programi, prof. dr. Rifat Latifi, drejtor i Programit të Telemjekësisë së Kosovës.
Ai e ka vlerësuar të suksesshëm këtë program për mjekësinë dhe shëndetësinë kosovare.
Dr. Ismet Lecaj, drejtor i Qendrës së Telemjekësisë së Kosovës ka bërë një prezantim të detajuar të aktiviteteve të dy cikleve të përfunduara deri më tani nga më shumë se 2 mijë pjesëmarrës nga Kosova.
Dr. Kujtim Shala, kryetar i Bordit për Edukim të Vazhduar profesional në MSh ka shquar rëndësinë e këtij programi që prej tij është cilësuar si shumë serioz, ndërsa dr. Faik Hoti, drejtor i Departamentit të Komunikimit në MSh, tha se në kohën e zhvillimeve të larta të teknologjisë informative, telemjekësia si program do të jetë edhe në ciklet e tjera e rëndësishme për ngritjen e njohurive dhe eksperiencave midis profesionistëve shëndetësor nga Kosova dhe vendet e tjera.
QTK, në bashkëpunim dhe koordinim të ngushtë me Bordin për EVP, gjatë vitit 2008 dhe 2009 ka startuar dhe përmbyllur me sukses të plotë 2 cikle të ligjëratave në distancë.
Ligjëratat kanë qenë nga lëmi të ndryshme si Kirurgjia, Traumatologjia, Emergjenca, Telemjekësia, etj., dhe ato kanë qenë inter-aktive, të përcjella me pyetje, përgjigje dhe komente, të pasuruara pastaj edhe me cikël të ri ligjëratash, të zgjeruara edhe nga lëmi si ORL, Oftalmologjia, Kirurgjia e Fëmijëve, Kirurgji e Përgjithshme, Radiologjia dhe Interno, ndërkohë që programit i ishte bashkëngjitur edhe Qendra për Edukim të Vazhduar në Infermieri.
Vijuesit e këtyre ligjëratave i përshkruan ato si tejet të dobishme dhe në funksion të avancimit të dijeve profesionale. /Telegrafi/
Promo
Reklamo këtuLufta Prigozhin - Putin
Më shumëInvestoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Publikohen pamjet e reja të Titanikut - anija e famshme po kalbet në fund të oqeanit
Historiku i përleshjeve Capat-Sekiraqa, që përfundoi me viktima
Indiania e dërgoi djalin në spital sepse gëlltiti një çelës - mjekët e tronditur zbuluan se ai kishte ngrënë edhe disa objekte metalike
Real Madridi kishte vetëm dy objektiva të tjerë në verë - kishte arsye të forta pse u tërhoq
Çfarë tregojnë historitë e zëvendëspresidentëve për shanset e Kamala Harrisit?
Finlanda do të zgjidhë një nga sfidat më të mëdha të njerëzimit