Kylie Jenner shuan kureshtjen e të gjithëve

Buzët e Kylie Jenner janë “çështja” më e nxehtë e momentit, sidomos në rrjete sociale. 17 vjeçarja flet për herë të parë për buzët dhe makijazhin.

Kylie në kohët e fundit gjithnjë e më shumë po tërheq vëmendjen me buzët e saj që në disa muajt e fundit janë rritur në mënyrë “misterioze”.

Në një përmbledhje të shkurtër të serisë së kësaj jave të ‘Keeping Up With the Kardashians’, Kylie pranon, “ Kam mbushës të përkohshëm për buzët, është thjesht një pasiguri e imja dhe është ajo çfarë kam dashur të bëj.”

Motra e vogël e Kim Kardashian shtoi se të bësh një jetë publike nuk është e thjeshtë. Ajo ka dashur të thotë edhe më parë të vërtetën mbi buzët e saj, por sipas saj njerëzit e kanë paragjykuar shumë shpejt dhe ajo i ka ardhur paksa përreth të vërtetës, por nuk ka gënjyer.

Ka patur spekulime të panumërta në mediet botërore, duke vënë në pikëpyetje faktin nëse 17 vjeçarja ka bërë një ndërhyrje estetike apo jo, por ajo ka thënë gjithmonë se është efekti i makijazhit.

“Mendoj se buzët e plota janë të bukura. Por nuk mërzitem më për këtë gjë. Unë bëj çfarë të dua dhe ju flisni çfarë të doni” është shprehur më parë Kylie Jenner.

Por pavarësisht diskutimeve nëse ato janë të vërteta apo false, ajo që shumë femra duan të dinë, është se si mund t’i kenë buzë të tillë pa ndihmën e kirurgjisë.