Stilistët e të famshmëve, Ryan Richman dhe Josue Perez, i zbulojnë sekretet e flokëve të bukur dhe shkëlqyes.
Nuk ka familje ku sot nuk ka tharëse flokësh, dhe sigurisht e përdorni atë më shumë se një herë në javë. Nëse jeni në mesin e atyre që i thani flokët vetëm që të mund të dilni jashtë, sigurisht nuk jeni të vetëdijshëm se sa mundësi ofron tharësja e flokëve, raporton “Huffington Post”.
Për fillim, ata pohojnë se nuk është e këshillueshme t’i thani flokët me ajër shumë të nxehtë. Është e rëndësishme ta përdorni një tharëse të duhur e cila mund të rregullojë temperaturën e ajrit dhe shpejtësinë e fryrjes. Tharësja do të duhej të përmbante të paktën edhe dy nivele, duke përfshirë edhe nivelin për temperaturë të ulët të ajrit. Struktura e flokëve mund të dëmtohet në qoftë se flokët i thani gjatë apo i thani me ajër shumë të nxehtë.
Flokët mund të bëhen të thatë, të brishtë dhe me maje të dëmtuara, e lëkura e kokës irritohet. Nëse jeni në mesin e atyre që kanë kaçurrela apo që tharësen e flokëve e përdorni kryesisht për tharje të ballukeve, rekomandohet të blini tharëse me “fuqi më të dobët”.
Shpejtësia më e madhe për tharje përdoret vetëm kur i thani flokët shumë të fortë dhe të padrejtueshëm ose kur dëshironi ta hiqni shpejt lagështinë e tepërt në flokët e lagur (që të mos kullojnë), por edhe atëherë mos e mbani tharësen një kohë të gjatë të përqendruar në një pikë të vetme.
Tharja e flokëve në “nivelin” më të dobët rekomandohet për njerëzit me flokë të dobët dhe të rrallë, që plasariten lehtë dhe thahen shpejt. Richman beson se “finesa” e fundit me ajër të ftohtë është e shkëlqyeshme për kaçurrela. E njëjta gjë vlen edhe për mbajtjen e drejtueses së flokëve. Richman rekomandon tharjen e flokëve me drejtuese me ajër më të ftohtë.
Teknologjia e jonit, e cila përdoret sot në prodhimin e disa modeleve të tharëseve të flokëve, punon në parimin e thyerjes së molekulave të ujit, prandaj tharëset që veprojnë në këtë parim më shpejt i thajnë flokët. Kjo është edhe një arsye se pse flokët nuk duhet të thahen me ajër të nxehtë.
Shumë shpesh nuk kontrollohet nëse flokët janë me të vërtetë të thatë kur “të ftohen” nga ajri i nxehtë dhe shpesh thahen më shumë dhe pa nevojë me ajër të nxehtë. Richman pohon se flokët zakonisht thahen më së shumti rreth fytyrës, sepse ajo pjesë e flokëve dallohet më shumë, prandaj edhe flokët rreth fytyrës më shumë trajtohen, drejtohen dhe thahen.
Richman thekson se shumica në ditët e sotme përdorin difuzorë, dhe vë në dukje që edhe personat me lloje të tjera të flokëve, jo vetëm me kaçurrela, mund të kenë dobi nga kjo. Perez këshillon që personat me flokë pak të dredhur ose flokë të valëzuar duhet të përdorin difuzorë, por jo në shpejtësinë më të madhe të tharjes. Në këtë mënyrë, kaçurrelat qëndrojnë më të butë, ata nuk do të ngatërrohen dhe kanë më pak të ngjarë të bëhen “të padëgjueshëm” .
Pa marrë parasysh se çfarë lloj flokësh keni dhe çfarë tharëse përdorni, Richman dhe Perez theksojnë rëndësinë e aplikimit të serumeve, sprejeve dhe kremrave në flokë, të cilat ndihmojnë në mbrojtjen e flokëve para ekspozimit ndaj ajrit të nxehtë të tharëseve të flokëve. /Telegrafi/
Lufta Prigozhin - Putin
Më shumëPse duhet të flini pa të brendshme dhe si ndikon në shëndetin tuaj?
Acidi salicilik apo acidi glikolik, cili është më i mirë për akne?
Keni flokë të thatë? Ky është gabimi më i zakonshëm që bëjmë kur lahemi
Prindërit nuk duhet t'i detyrojnë kurrë fëmijët e tyre të bëjnë ndonjë nga këto pesë aktivitete
Qindra emra shqiptarë dhe ilirë për fëmijën tuaj
Historia e Kendra Spears, modeles që u bë princeshë dhe që të gjithë e adhurojnë
104.5m² komfort – Banesë luksoze me pamje tërheqëse për zyret e juaja
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Ekskluzivisht në Telegrafi Deals – Nike REAX nga 101€ në 79.95€!
Çfarë do të thotë DeepSeek AI për marrëdhëniet e SHBA me Kinën?
Çdo fëmijë e don një xhaketë të re për vit të ri!
25% zbritje në çizmet Adidas Terrex? Zgjate dorën!
Hej djem! Super xhaketa e Adidas tani vjen me zbritje ekskluzive vetëm për ju
Më të lexuarat
Mbyllet afati kalimtar i janarit në top 5 ligat: Shumë transferimet u zyrtarizuan në fund
Banorët ndjekin klipin - momenti kur Gerta i hodhi për herë të dytë alkool në sy Gjestit
Grenell kritikon Kurtin, a po përfshihet SHBA në zgjedhjet e Kosovës?
Çfarë është USAID-i dhe sa qendror është ai për politikën e jashtme të SHBA-së?
Rasti i Gjestit, Egla Ceno: Jam e sigurt që do ta nxjerrin Gertën
Rubio përshëndet masën e Panamasë për të dalë nga plani i infrastrukturës kineze