Trajtimi me Evolastin zbut rrudhat

Evolastin zbut efektin e rrudhave, ndërsa tendosja e lëkurës mund të arrijë 20–25 për qind të asaj që realizohet me operacion plastik.

Një ndërhyrje fare e vogël duket premtuese. Procedura përfshin doza shumë të sakta nxehtësie mes shtresave të lëkurës.

Në klinikën e tij në Palo Alto të Kalifornisë, doktor James Newman përdor këtë procedurë nëpërmjet një teknologjie të quajtur Evolastin. Pasi ka kryer mpirjen e lëkurës, Doktor Newman përdor një pajisje dore që përmban një radhë gjilpërash të cilat dërgojnë mes shtresave të lëkurës nxehtësi të krijuar me frekuenca radiofonike.

Doktor Newman thotë se kjo lloj nxehtësie përmirëson indet dhe shton vëllimin e tyre, duke nxitur lëkurën të rigjenerojë kolagjenin – proteinë që mban të lidhura indet.

Qëllimi i trajtimit me Evolastin është për të zbutur efektin e rrudhave në pjesët më me probleme, si për shembull përgjatë vijës së nofullave. Doktor Newman paralajmëron se tendosja e lëkurës me Evolastin mund të arrijë vetëm deri 20 – 25 për qind të asaj që realizohet me operacion plastik siç është “face lift”.

Procedura Evolastin kushton rreth 3 mijë e 500 dollarë. Doktor Newman thotë se shumica e pacientëve janë në gjendje të kthehen në punë dy ditë pas procedurës. /Telegrafi/