Disa këshilla për largimin e miteserëve

Miteserët në fytyrë ndoshta janë problem, por fatmirësisht ekzistojnë mënyra të shumta që mundësojnë pengimin e përsëritjes së tyre.

Nëse dëshironi t’i eliminonin miteserët, ndërpritni përdorimin e kozmetikës me krem dhe asaj yndyrore.

Për largimin e miteserëve përdorni preparate të buta të cilat janë të dedikuara për atë qëllim. Mos përdorni sapun, sepse mund të mbyllë portet e lëkurës suaj. Sapuni mund të shkaktojë edhe vdekjen e qelizave të lëkurës.

Rrjetëzat për piling janë efikase për eliminimin e mitiserëve. Ato ndihmojnë gjatë largimit të qelizave të vdekura nga brendësia e poreve, që shumë shpesh i mbyllin.

Nëse keni lëkurë yndyrore përdorni maskë nga glina, në mënyrë që të reduktoni sasinë e yndyrës. Përdorni atë që nuk përmban mente, pepermint dhe përbërës të tjerë që shkaktojnë irritim.

Po ashtu, mund të bëni edhe tretësirë nga lëngu i limonit të gjelbër, vajit të bajames dhe glicerinës, dhe ta vendosni në fytyrë. Kjo do të pengojë, gjegjësisht do t’i largojë miteserët.

Hidratimi i lëkurës suaj me garzë të njomë dhe të ngrohtë çdo mbrëmje, po ashtu mund të ndihmojë. Vendoseni garzën e njomë mbi fytyrë për 15 minuta çdo mbrëmje. Ajo do të largojë qelizat e vdekura, papastërtinë dhe grimcat tjera të cilat i mbyllin poret. Më pas vendoseni garzën në ujë që vlon në mënyrë që t’i mbytni bakteret.

Te miteserët ndihmon edhe kur ngrohni një sasi të mjaltit dhe e vendosni në fytyrë. Pas dhjetë minutash lajeni fytyrën. Ky proces është në fakt një piling natyror përmes së cilit largohen miteserët. /Telegrafi/