Mbroni buzët nga plasaritja

Ndjeshmëria e buzëve ndaj kushteve të mjedisit i detyrohet faktit se ato janë e vetmja pjesë e lëkurës së fytyrës pa gjëndra yndyrore.

Plasaritja e buzëve është një problem shqetësues pavarësisht në se shkaktohet nga moti i ftohtë, i thatë, klima e ashpër ose thjesht nga tendenca e vetë lëkurës së thatë.
Sensitiviteti i buzëve ndaj kushteve të mjedisit i detyrohet faktit se ato janë e vetmja pjesë e lëkurës së fytyrës pa gjëndra yndyrore. Për këtë arsye është shumë e rëndësishme që buzët të mbahen të lagura dhe të mbrojtura nga kushtet agresive të mjedisit.

Ka shumë produkte zbutëse për buzët: lanolina, gjalpi i kakaos dhe vazelina janë zbutës të shkëlqyer. Por kujdes!
Disa produkte kujdesi për buzët kanë në përbërje kamfor, pepermint ose ekualiptol. Secili prej këtyre përbërësve bën pikërisht të kundërtën e asaj që ka nevojë buza e plasaritur – e irriton më tej lëkurën e buzës madje mund edhe të shkaktojnë një ndjesi djegie në të.

Kujdesi për buzët e plasaritura duhet të nisë në mbrëmje. Pas pastrimit të fytyrës, nevojitet aplikimi i një shtrese të trashë të një balsami buzësh.
Gjatë ditës kujdesi duhet të përfshijë një balsam buzësh me faktor mbrojtës SPF 15 dhe përbërës që ofrojnë mbrojtje kundër rrezeve UVA. Një i kuq buzësh mund të kompensojë deri diku për faktorin mbrojtës, por jo plotësisht. /Telegrafi/