‘Smokеy eyes’, hit për këtë sezon

Shikimi misterioz dhe grimi i errët edhe këtë sezon është një ndër pamjet më të dëshiruar për takimet me miqtë në mbrëmje.

Shumë nga të njohurit akoma e promovojnë këtë pamje glamuroze të quajtur "smokеy eyes". Kjo mënyrë e të grimuarit është tipar dhe karakteristikë e Sarah Jessica Parker Sara Jesica Parker dhe Lily Allen. Të dyja “divat” e modës në forma të ndryshme kanë fituar dukjen e famshme. Parker promovon një pamje të brishtë, ndërsa Allen bën grimin në një formë retro.

Në këtë formë të makijazhit, më së shumti gabojnë sepse vendosin më shumë sesa duhet ngjyrë të zezë në kapakët e syve. Ngjyra e zezë duket shumë e vrazhdët dhe përlyhet shpejt. Por, sekreti i Parkerit qëndron në përzgjedhjen e ngjyrave. Ajo përdor nuanca të përhimëta, të gjelbër dhe të kaltër për një shikim misterioz dhe të brishtë. Ndërsa, Allen përdor lapsin e zi dhe e vendos në disa shtresa për të pasur një dukje retro. Pikërisht këtë formë të makijazhit të rejave dhe më të guximshmeve ju rekomandojmë të bëjnë grimin që dëshirojnë.

Për këtë sezon hit është grimi me nuancat të errëta dhe të pasura të ngjyrës vjollcë për sytë. Me rëndësi është që ngjyrat e theksuara t’i kombinoni me tone neutrale, siç është e bardha, e përhimëta dhe bezha. Ngjyrën vjollcë kombinojeni me nuanca të brishta ngjyrë ari dhe sytë tuaj do të duken të sofistikuar, modernë dhe glamurozë.

Me rëndësi është që në fillim të keni një bazë të mirë e pastaj të vendosni ngjyrat e grimit në formë të pluhurit. Por, mbi të gjitha është e rëndësishme të dini se si shkon radhitja e nuancave të ngjyrave për sytë me qëllim që t’i theksoni sa më mirë. /Telegrafi/