Kujdes nga dushi

Shkencëtarët paralajmëruan se bakteret mund të përfundojnë lehtë nga pikat e ujit në mushkëri. Kjo mund të çojë në sëmundje të mushkërive, veçanërisht, tek personat me sistem imunitar të dobët.

Dushi i mëngjesit freskon edhe gjumashët më të mëdhenj. Por të rejat më të fundit kanë ardhur nga shkencëtarë amerikan të Universitetit Colorado në Boulder. Ata analizuan 45 koka dushi nga ku rezultoi që 30% e tyre përmbanin sasi të konsiderueshme të Mycobacterium Avium.

Në ambiente të ngrohta, të errëta e të lagështa në brendësi të kokës së dushit, bakteret ndihen shumë mirë. Aty krijohen kushte të favorshme për tu zhvilluar mikrobet.
Shkencëtarët paralajmëruan se bakteret mund të përfundojnë lehtë nga pikat e ujit në mushkëri. Kjo mund të çojë në sëmundje të mushkërive, veçanërisht, tek personat me sistem imunitar të dobët …

Tani, a është dushi i rrezikshëm? "Sigurisht që jo, nëse sistemi juaj imun nuk është dobësuar në një farë mënyre", shprehet drejtuesi i studimit Norman Pace. Për arsye se kokat e dushit me material plastik rezultuan dukshëm më të kolonizuara nga bakteret, një alternativë e mirë janë ato prej metali. Dhe: Mos e hidhni ujin e parë të dushit për pak minuta drejt në fytyrë. /Telegrafi/