Samsung lanson Music Milk, shërbimin e muzikës pa pagesë

Samsung sot zbuloi shërbimin e saj më të ri për muzikë falas për telefonat e saj të mençur, ndërsa të njëjtin e ka prezantuar si një përmirësim të ndjeshëm nga aplikacionet ekzistuese të muzikës të cilat tashmë janë në treg.

Shërbimi i liderit global të telefonave i quajtur Milk Music sot ka debutuar në SHBA, me mbi 200 stacione dhe 13 milionë këngë. Është projektuar që të jetë shërbim tepër i shpejtë, i lehtë për t’u përdorur dhe shumë i përshtatshëm për përdoruesit.

Por duhet thënë se Music Milk tashmë ka disa konkurrent të rëndësishëm në treg, duke përfshirë emrat e njohur në treg sikurse Pandora, Spotify dhe iTunes Radio, i rivalit të saj kryesor, Apple.

Në Music Milk, përdoruesit mund të kërkojnë zhanre të ndryshme të muzikës për të gjetur atë që u pëlqen.

Stacionet e preferuara mund të shtohet në seksionin "Stacionet e mia", ndërsa këngët individuale mund të etiketohen si të preferuarat e përdoruesve, apo të shënohen si këngë të cilat nuk duhet të shfaqen në listë, në rast se ato nuk pëlqehen. / Telegrafi /