Apple: App Store tani ka 1 milion aplikacione mobile

Gjigantit të madh të teknologjisë, kompanisë Apple nuk i janë dashur më shumë se 5 vjet për të arritur në më shumë se 1 milion aplikacione mobile të cilat sot mund të shkarkohen nga dyqani i saj i aplikacioneve, App Store.

Këtë shifër e bëri publike drejtori i kompanisë Apple, Tim Cook në ngjarjen në të cilën kompania do ta bëjë zbulimin e modelit të ri të iPad, dhe natyrisht jo vetëm kaq.

Cook më tej ka thënë se deri më sot në dyqanin e saj të aplikacioneve përdorin kanë shkarkuar më shumë se 60 milionë herë aplikacioet e tyre të preferuara, dhe më shumë se 13 miliardë dollar u janë paguar zhvilluesve të cilët i kanë krijuar këto aplikacione.

Në periudhën e njëjtë të vitit të kaluar, Apple ka pasur rreth 700 mijë aplikacione, dhe 30 milionë shkarkime të aplikacioneve të ndryshme mobile.

Përkundër shifrave marramendëse, dyqani i aplikacioneve të Apple, App Store është prapa rivalit Google dhe dyqani të saj të aplikacioneve Google Play, me të cilën Google e ka arritur shifrën prej 1 milion aplikacioneve në korrik të këtij viti. / Telegrafi /