Figura e femrës në roman

Unioni i Shkrimtarëve dhe i Kritikëve Shqiptarë organizon Simpoziumin “Figura e femrës në roman”, i cili do të mbahet prej 23-26 shtator.

Në temat e simpoziumit do të trajtohen çështje specifike si p.sh. trajtimi i femrës si personazh në letrat shqiptare, roli i personazhit femër, mesazhi i krijuesve që e trajtojnë femrën si personazh kryesor apo dytësor, etj.

Kumtesat e tyre do t’i lexojnë Prof Dr Myrvete Dreshaj, Prof Dr Shefkije Islamaj, Prof Dr Daniel Leuwers, Prof Dr Helene Staford, Prof Dr Dinos Kobatis, Prof Dr Nicole Barriére, Prof Dr Alla N. Polosina , Kalosh Çliku, Porf Dr Sali Bytyqi, Mr Sc Fatmir Halimi, Sherife Thaçi etj, ndërsa në program të këtij evenimenti është paraparë të zhvillohen edhe orë letrare më poetët e ardhur nga Franca,Anglia, Rusia,Greqia , Spanja dhe poetët vendorë.

Hapja e punimeve të Simpoziumit të dytë do të mbahet të martën më 23 shtator 2014, në orën 19.00 të KULLA POETIKE. Simpoziumi përkrahet nga Ministria e Kulturës së Republikës së Kosovës. /rtk/