iPhone 5 gjatë muajit gusht?

Të gjithë ata që tashmë kanë blerë një iPhone 4, duhet ta dinë se telefoni i tyre do të mund të dal jashtë trendit shumë më shpejtë sesa që ata kanë menduar. iPhone 5 thuhet se është rrugës për në treg.

Sipas raportimeve të BGR, thuhet se Apple do ta lëshojë modelin e ri të iPhone, përkatësisht iPhone 5 gjatë muajit gusht të këtij viti, dhe jo në shtator siç ishte thënë fillimisht.

Bazuar në shkrimet e fundit, pritet që iPhone 5 të vijë në treg me një dizajn të ri, dhe shumë më modern, i cili nuk do t’i ngjajë aq shumë atij të modelit iPhone 4.

Nëse thashethemet dalin të jenë të vërteta, atëherë Apple me siguri se do ta organizojë një ngjarje në mesin e muajit gusht, ndërsa modeli më i ri i iPhone të dal në javën e fundit të këtij muaji.

Edhe pse ende nuk ka asnjë specifikë zyrtare lidhur me këtë model të ri të telefonit, pritet që iPhone 5 të ketë procesor A5, i cili tashmë gjindet në iPad 2, ndërsa gjithashtu pritet që mbështjellësi i këtij telefoni të jetë më ndryshe sesa ai në iPhone 4. / Telegrafi /